Тапанімічная камісія Менска прапанавала вярнуць станцыі мэтро ранейшую назву. У 1992-2003 гг. станцыя называлася "Плошча Незалежнасьці". Пасьля ёй вярнулі першапачатковую назву - "Плошча Леніна".
Пасьля двухтыднёвага публічнага абмеркаваньня прапановы тапанімічнай камісіі, пытаньне разгледзяць дэпутаты Менскага гарадзкога савету.
Пра гэта БелаПАН паведаміла сакратар камісіі Людміла Альховікава.