Канцылярыя прэзыдэнта Літвы Далі Грыбаўскайце пацьвердзіла факт запрашэньня Аляксандра Лукашэнкі на ўрачыстасьці з нагоды 20-годзьдзя незалежнасьці Літоўскай Рэспублікі 11 сакавіка.
"Такое запрашэньне было накіравана. Адказ мы пакуль чакаем", — паведамілі БелаПАН у канцылярыі. Атрымаць камэнтар у прэс-службе беларускага прэзыдэнта пакуль не ўдалося.
Мінулы раз Аляксандар Лукашэнка наведваў Літву 16 верасьня 2009 года, дзе браў удзел у працы беларуска-літоўскага эканамічнага форум у Вільні. Тады ж адбылася сустрэча прэзыдэнтаў Беларусі і Літвы, якая цягнулася каля дзвюх гадзінаў.
Раней Грыбаўскайце заяўляла, што запрашэньне Лукашэнкі на сьвяткаваньне 20-годзьдзя аднаўленьня дзяржаўнасьці Літвы можа залежаць ад дзеяньняў Менску адносна былога начальніка Вільнюскага гарнізону Ўладзімера Ўсхопчыка.
Літоўскія праваахоўныя органы падазраюць Усхопчыка ў тым, што 13 студзеня 1991 года ён даў загад страляць па няўзброеных людзях.
2 сакавіка Ўсхопчык быў дапытаны ў Генпракуратуры ў якасьці сьведкі на просьбу літоўскіх праваахоўных органаў.
Мінулы раз Аляксандар Лукашэнка наведваў Літву 16 верасьня 2009 года, дзе браў удзел у працы беларуска-літоўскага эканамічнага форум у Вільні. Тады ж адбылася сустрэча прэзыдэнтаў Беларусі і Літвы, якая цягнулася каля дзвюх гадзінаў.
Раней Грыбаўскайце заяўляла, што запрашэньне Лукашэнкі на сьвяткаваньне 20-годзьдзя аднаўленьня дзяржаўнасьці Літвы можа залежаць ад дзеяньняў Менску адносна былога начальніка Вільнюскага гарнізону Ўладзімера Ўсхопчыка.
Літоўскія праваахоўныя органы падазраюць Усхопчыка ў тым, што 13 студзеня 1991 года ён даў загад страляць па няўзброеных людзях.
2 сакавіка Ўсхопчык быў дапытаны ў Генпракуратуры ў якасьці сьведкі на просьбу літоўскіх праваахоўных органаў.