Сёньня ў рэдакцыі газэты “Народная воля” адбыўся ператрус, падчас якога міліцыянты забралі сыстэмны блёк кампутара намесьніка рэдактара Марыны Коктыш. Што шукалі ў кампутары вядомай журналісткі
Ператрусу на працоўным месцы Марыны Коктыш папярэднічаў допыт журналісткі, пра падрабязнасьці якога яна паведаміць ня можа, бо мусіла даць падпіску аб неразгалошваньні зьвестак. Аднак хто праводзіў сьледчыя дзеяньні і паводле якой справы, Марына Коктыш патлумачыла:
“Як мне сказалі, гэта ўсё адбывалася ў межах крымінальнай справы адносна паклёпу на вышэйшых службовых асобаў управы КДБ па Гомельскай вобласьці. Гэтая справа тычыцца вядомай “паляўнічай справы”. Калі справа толькі пачыналася, я сустракалася са сваякамі міліцыянтаў, якія ў ёй фігуруюць. І яшчэ справа мае сувязь з інфармацыяй у інтэрнэце ад спадара Дудкіна — гэта міліцыянт, які апошнім часам нібыта зьмяшчаў свае артыкулы пра карупцыю ў кіраўніцтве”.
Міліцыянты забралі сыстэмны блёк кампутара Марыны Коктыш і ўзялі зь яе падпіску аб неразгалошваньні інфармацыі, якая ёй стала вядомая падчас допыту. Паводле журналісткі, абыходзіліся зь ёю карэктна, але пасьля гэтых сьледчых дзеяньняў Марына Коктыш заявіла:
“Пасьля гэтага ў мяне няма ніякага жаданьня пісаць ані пра КДБ, ані пра МУС, пра іх супрацоўнікаў, якія часам трапляюць у нейкія канфліктныя сытуацыі. Няма ўвогуле жаданьня чуць пра гэтыя ведамствы”.
Былы адказны супрацоўнік МУС Дудкін паведаміў праз інтэрнэт, што мусіў зьехаць у Расею, бо яго перасьледавалі нібыта за тое, што ён вёў справы аб карупцыі сярод вышэйшых беларускіх чыноўнікаў. Паводле былога сьледчага Дудкіна, “паляўнічая справа” была сфабрыкаваная.
Між тым, якраз сёньня ў Вярхоўным судзе абвясьцілі прысуд чатыром адказным міліцыянтам у гэтай “паляўнічай справе”.
Нагадаем, на нарадзе ў красавіку 2009 году, прысьвечанай праваахоўным органам, Аляксандар Лукашэнка загадаў распачаць справу супраць начальніка аддзелу барацьбы з карупцыяй і эканамічнымі злачынствамі Жлобінскага РАУС Леаніда Мінянкова, які нібыта арганізаваў гаспадарку для заняткаў паляваньнем і рыбалкай для чыноўнікаў, гаспадарчых кіраўнікоў і міліцэйскага начальства.
Пазьней, акрамя яго, таксама былі арыштаваныя начальнік управы барацьбы з эканамічнымі злачынствамі Гомельскай абласной міліцыі Дзьмітрый Баранаў, начальнік управы барацьбы з карупцыяй і эканамічнымі злачынствамі гомельскай міліцыі Аляксандар Малаеў. Іх абвінавацілі ў незаконным паляваньні і перавышэньні ўлады.
Па справе таксама праходзіць начальнік управы барацьбы з карупцыяй і эканамічнымі злачынствамі МУС Віктар Ермакоў, які нібыта аддаваў міліцыянтам загад зьбіраць кампрамат на супрацоўнікаў КДБ, якія раскручвалі “паляўнічую справу”.
У выніку сёньня Вярхоўны суд Беларусі зьняў абвінавачаньне зь міліцыянта Аляксандра Малаева і прызнаў вінаватымі астатніх фігурантаў справы.
Былы начальнік управы барацьбы з эканамічнымі злачынствамі і карупцыяй МУС Віктар Ермакоў асуджаны на 3 гады зьняволеньня, былы начальнік аддзелу барацьбы з карупцыяй і эканамічнымі злачынствамі Жлобінскага РАУС Леанід Мінянкоў асуджаны на 4 гады зьняволеньня, начальнік управы барацьбы з эканамічнымі злачынствамі і карупцыяй гомельскай міліцыі Дзьмітрый Баранаў атрымаў 5 гадоў калёніі ўзмоцненага рэжыму — судзьдзі прызналі яго вінаватым ня толькі ў злоўжываньні службовым становішчам, але і ў дзеяньнях з ужываньнем фізычнай сілы.
“Як мне сказалі, гэта ўсё адбывалася ў межах крымінальнай справы адносна паклёпу на вышэйшых службовых асобаў управы КДБ па Гомельскай вобласьці. Гэтая справа тычыцца вядомай “паляўнічай справы”. Калі справа толькі пачыналася, я сустракалася са сваякамі міліцыянтаў, якія ў ёй фігуруюць. І яшчэ справа мае сувязь з інфармацыяй у інтэрнэце ад спадара Дудкіна — гэта міліцыянт, які апошнім часам нібыта зьмяшчаў свае артыкулы пра карупцыю ў кіраўніцтве”.
Міліцыянты забралі сыстэмны блёк кампутара Марыны Коктыш і ўзялі зь яе падпіску аб неразгалошваньні інфармацыі, якая ёй стала вядомая падчас допыту. Паводле журналісткі, абыходзіліся зь ёю карэктна, але пасьля гэтых сьледчых дзеяньняў Марына Коктыш заявіла:
“Пасьля гэтага ў мяне няма ніякага жаданьня пісаць ані пра КДБ, ані пра МУС, пра іх супрацоўнікаў, якія часам трапляюць у нейкія канфліктныя сытуацыі. Няма ўвогуле жаданьня чуць пра гэтыя ведамствы”.
Былы адказны супрацоўнік МУС Дудкін паведаміў праз інтэрнэт, што мусіў зьехаць у Расею, бо яго перасьледавалі нібыта за тое, што ён вёў справы аб карупцыі сярод вышэйшых беларускіх чыноўнікаў. Паводле былога сьледчага Дудкіна, “паляўнічая справа” была сфабрыкаваная.
Між тым, якраз сёньня ў Вярхоўным судзе абвясьцілі прысуд чатыром адказным міліцыянтам у гэтай “паляўнічай справе”.
Нагадаем, на нарадзе ў красавіку 2009 году, прысьвечанай праваахоўным органам, Аляксандар Лукашэнка загадаў распачаць справу супраць начальніка аддзелу барацьбы з карупцыяй і эканамічнымі злачынствамі Жлобінскага РАУС Леаніда Мінянкова, які нібыта арганізаваў гаспадарку для заняткаў паляваньнем і рыбалкай для чыноўнікаў, гаспадарчых кіраўнікоў і міліцэйскага начальства.
Пазьней, акрамя яго, таксама былі арыштаваныя начальнік управы барацьбы з эканамічнымі злачынствамі Гомельскай абласной міліцыі Дзьмітрый Баранаў, начальнік управы барацьбы з карупцыяй і эканамічнымі злачынствамі гомельскай міліцыі Аляксандар Малаеў. Іх абвінавацілі ў незаконным паляваньні і перавышэньні ўлады.
Па справе таксама праходзіць начальнік управы барацьбы з карупцыяй і эканамічнымі злачынствамі МУС Віктар Ермакоў, які нібыта аддаваў міліцыянтам загад зьбіраць кампрамат на супрацоўнікаў КДБ, якія раскручвалі “паляўнічую справу”.
У выніку сёньня Вярхоўны суд Беларусі зьняў абвінавачаньне зь міліцыянта Аляксандра Малаева і прызнаў вінаватымі астатніх фігурантаў справы.
Былы начальнік управы барацьбы з эканамічнымі злачынствамі і карупцыяй МУС Віктар Ермакоў асуджаны на 3 гады зьняволеньня, былы начальнік аддзелу барацьбы з карупцыяй і эканамічнымі злачынствамі Жлобінскага РАУС Леанід Мінянкоў асуджаны на 4 гады зьняволеньня, начальнік управы барацьбы з эканамічнымі злачынствамі і карупцыяй гомельскай міліцыі Дзьмітрый Баранаў атрымаў 5 гадоў калёніі ўзмоцненага рэжыму — судзьдзі прызналі яго вінаватым ня толькі ў злоўжываньні службовым становішчам, але і ў дзеяньнях з ужываньнем фізычнай сілы.