Сёньня Гомельскі абласны суд разгледзеў скаргу рэгіянальнай арганізацыі Аб’яднанай грамадзянскай партыі на рашэньне прэзыдыюму абласнога савету дэпутатаў і аблвыканкаму. Апошнія не ўключылі ў склад абласной выбарчай камісіі вылучэнца АГП.
Прэтэнзіі ў судзе да прэзыдыюму абласнога савету й аблвыканкаму падтрымліваў старшыня абласной арганізацыі АГП Васіль Палякоў
“Адбылося, па сутнасьці, прызначэньне камісіі, а не стварэньне. Быў агучаны сьпіс, і гэты сьпіс пастаўлены на галасаваньне. Ніводная кандыдатура не абмяркоўвалася. Галоснасьці падчас фармаваньня камісіі не назіралася. Апрача таго, у склад камісіі ўключаны высокапастаўленыя чыноўнікі аблвыканкаму — гэта парушае артыкул 11 Выбарчага кодэксу. Камісіі ня могуць залежаць ад дзяржаўных органаў. Таму мы й зьвярнуліся ў суд”.
Паводле актывіста, неабходна, каб траціна выбарчых камісій фармаваліся менавіта з вылучэнцаў палітычных партыяў — як гэта робіцца ў цывілізаваных краінах. Нездарма ж і ў Выбарчым кодэксе палітычныя партыі называюцца ў першую чаргу.
Прадстаўніца прэзыдыюму аблсавету й аблвыканкаму ў судзе Ала Сусарэнка прэтэнзіі АГП не прызнала. Заявіла, што выбарчае заканадаўства патрабуе толькі, каб на сумесным паседжаньні прысутнічалі дзьве траціны складу органаў, якія ўтвараюць камісію, і каб за яе склад галасавала большая палова прысутных. Астатняе, маўляў, ня важна: называліся ці не ўсе вылучэнцы ў камісію, абмяркоўваліся яны альбо, наадварот, за іх галасавалі моўчкі.
Такой думкі трымалася й пракурор абласной пракуратуры спадарыня Судар, заявіўшы: галоўнае, каб камісію фармавалі тыя органы, якія павінны гэта рабіць.
Старшыня суду Леанора Буянкова адхіліла пазоў рэгіянальнай арганізацыі АГП, пацьвердзіўшы тым самым, што пры стварэньні выбарчай камісіі прэзыдыюм аблсавету й аблвыканкам заканадаўства не парушылі.
Рашэньне не зьдзівіла кіраўніка рэгіянальнай АГП спадара Палякова:
“Мы не сумняваліся ў тым, што беларускія суды выносяць рашэньні на падставе палітычнай мэтазгоднасьці”.
Прысутны ў судзе сябра АГП, юрыст Леанід Судаленка, якога суд не дапусьціў да разбору ў якасьці прадстаўніка рэгіянальнай арганізацыі, пракамэнтаваў вырак:
“Улада па-свойму разумее новую рэдакцыю Выбарчага кодэксу. Яна мае свае кішэнныя палітычныя партыі, працоўныя калектывы, кішэнныя грамадзкія арганізацыі. І, як паказвае сёньняшняе рашэньне, і кішэнныя суды”.
“Адбылося, па сутнасьці, прызначэньне камісіі, а не стварэньне. Быў агучаны сьпіс, і гэты сьпіс пастаўлены на галасаваньне. Ніводная кандыдатура не абмяркоўвалася. Галоснасьці падчас фармаваньня камісіі не назіралася. Апрача таго, у склад камісіі ўключаны высокапастаўленыя чыноўнікі аблвыканкаму — гэта парушае артыкул 11 Выбарчага кодэксу. Камісіі ня могуць залежаць ад дзяржаўных органаў. Таму мы й зьвярнуліся ў суд”.
Паводле актывіста, неабходна, каб траціна выбарчых камісій фармаваліся менавіта з вылучэнцаў палітычных партыяў — як гэта робіцца ў цывілізаваных краінах. Нездарма ж і ў Выбарчым кодэксе палітычныя партыі называюцца ў першую чаргу.
Прадстаўніца прэзыдыюму аблсавету й аблвыканкаму ў судзе Ала Сусарэнка прэтэнзіі АГП не прызнала. Заявіла, што выбарчае заканадаўства патрабуе толькі, каб на сумесным паседжаньні прысутнічалі дзьве траціны складу органаў, якія ўтвараюць камісію, і каб за яе склад галасавала большая палова прысутных. Астатняе, маўляў, ня важна: называліся ці не ўсе вылучэнцы ў камісію, абмяркоўваліся яны альбо, наадварот, за іх галасавалі моўчкі.
Такой думкі трымалася й пракурор абласной пракуратуры спадарыня Судар, заявіўшы: галоўнае, каб камісію фармавалі тыя органы, якія павінны гэта рабіць.
Старшыня суду Леанора Буянкова адхіліла пазоў рэгіянальнай арганізацыі АГП, пацьвердзіўшы тым самым, што пры стварэньні выбарчай камісіі прэзыдыюм аблсавету й аблвыканкам заканадаўства не парушылі.
Рашэньне не зьдзівіла кіраўніка рэгіянальнай АГП спадара Палякова:
“Мы не сумняваліся ў тым, што беларускія суды выносяць рашэньні на падставе палітычнай мэтазгоднасьці”.
Прысутны ў судзе сябра АГП, юрыст Леанід Судаленка, якога суд не дапусьціў да разбору ў якасьці прадстаўніка рэгіянальнай арганізацыі, пракамэнтаваў вырак:
“Улада па-свойму разумее новую рэдакцыю Выбарчага кодэксу. Яна мае свае кішэнныя палітычныя партыі, працоўныя калектывы, кішэнныя грамадзкія арганізацыі. І, як паказвае сёньняшняе рашэньне, і кішэнныя суды”.