Два сьцягі зьявіліся сёньня ў найбольш людных месцах абласнога цэнтру — на плошчы Свабоды і каля гандлёвага цэнтру «Кантынэнт».
Паводле мясцовага актывіста Сяргея Каваленкі, гэта патрыёты Беларусі вырашылі павіншаваць гараджан з Новым годам а таксама са сьвятам Раства Хрыстова — і ўжо мінулага паводле каталіцкай традыцыі, і будучага, праваслаўнага.
Сьцягі правіселі нядоўга. Адзін зь іх лунаў усяго некалькі хвілін, бо міліцыянтаў, каб яго зьняць, выклікалі супрацоўнікі аховы гандлёвага цэнтру. Другі, які зьявіўся ў цэнтры гораду на даху будынку, дзе месьціцца кнігарня «Глёбус», мінакі маглі бачыць цягам паўгадзіны.
Супрацоўнікі Чыгуначнага і Першамайскага райаддзелаў разьвезьлі абодва сьцягі па пастарунках. Тых, хто іх павесіў, затрымаць не ўдалося.
Сьцягі правіселі нядоўга. Адзін зь іх лунаў усяго некалькі хвілін, бо міліцыянтаў, каб яго зьняць, выклікалі супрацоўнікі аховы гандлёвага цэнтру. Другі, які зьявіўся ў цэнтры гораду на даху будынку, дзе месьціцца кнігарня «Глёбус», мінакі маглі бачыць цягам паўгадзіны.
Супрацоўнікі Чыгуначнага і Першамайскага райаддзелаў разьвезьлі абодва сьцягі па пастарунках. Тых, хто іх павесіў, затрымаць не ўдалося.
