Міністар замежных спраў Эстоніі Урмас Паэт узьняў пытаньне наконт адлічэньня Тацяны Шапуцькі падчас сустрэчы міністраў замежных спраў Паўночных краінаў, краінаў Балтыі і Нямеччыны.
Такім чынам міністар адрэагаваў на зварот некалькіх буйных грамадзкіх аб’яднаньняў Эстоніі. Яны прасілі Урмаса Паэта садзейнічаць абароне Тацяны Шапуцькі, якую адлічылі з унівэрсытэту за ўдзел у грамадзкім форуме праграмы «Ўсходняе партнэрства».
Прадстаўнік групы падтрымкі Беларусі Яўген Крыштафовіч заявіў, што рэпрэсіі ў адносінах да студэнткі сьведчаць пра практыку ўцісканьня грамадзянскай актыўнасьці ў Беларусі.
«Мы лічым, што студэнты не зьяўляюцца рабамі краіны, і ВНУ ня можа парушаць іх права на вольнае перамяшчэньне», — заявіў сп. Крыштафовіч.
Яўген Крыштафовіч дадаў: «Тацяна Шапуцька ўваходзіць у склад рады найбуйнейшай дэмакратычнай моладзевай арганізацыі Беларусі „Малады фронт“. Сябры гэтай арганізацыі рэгулярна зазнаюць ціск з боку ўладаў, некаторыя зь іх і зараз сядзяць у турме, як, напрыклад, Арцём Дубскі, якога арганізацыя „Міжнародная амністыя“ прызнала вязьнем сумленьня».
Група падтрымкі папрасіла міністра замежных спраў Урмаса Паэта зьвярнуць увагу Эўразьвязу на бесьперапынныя рэпрэсіі супраць студэнтаў і моладзі ў Беларусі і паспрыяць ім атрымаць адукацыю за мяжой.
Міністар замежных спраў Эстоніі запэўніў, што Эстонія будзе сачыць за тым, як будзе разьвівацца сытуацыя ў справе аднаўленьня Тацяны Шапуцькі на вучобе.
Прадстаўнік групы падтрымкі Беларусі Яўген Крыштафовіч заявіў, што рэпрэсіі ў адносінах да студэнткі сьведчаць пра практыку ўцісканьня грамадзянскай актыўнасьці ў Беларусі.
«Мы лічым, што студэнты не зьяўляюцца рабамі краіны, і ВНУ ня можа парушаць іх права на вольнае перамяшчэньне», — заявіў сп. Крыштафовіч.
Яўген Крыштафовіч дадаў: «Тацяна Шапуцька ўваходзіць у склад рады найбуйнейшай дэмакратычнай моладзевай арганізацыі Беларусі „Малады фронт“. Сябры гэтай арганізацыі рэгулярна зазнаюць ціск з боку ўладаў, некаторыя зь іх і зараз сядзяць у турме, як, напрыклад, Арцём Дубскі, якога арганізацыя „Міжнародная амністыя“ прызнала вязьнем сумленьня».
Група падтрымкі папрасіла міністра замежных спраў Урмаса Паэта зьвярнуць увагу Эўразьвязу на бесьперапынныя рэпрэсіі супраць студэнтаў і моладзі ў Беларусі і паспрыяць ім атрымаць адукацыю за мяжой.
Міністар замежных спраў Эстоніі запэўніў, што Эстонія будзе сачыць за тым, як будзе разьвівацца сытуацыя ў справе аднаўленьня Тацяны Шапуцькі на вучобе.