Пра гэта гаворыцца ў справаздачы Генэральнай Асамблеі Арганізацыі Аб’яднаных Нацый, якую ўчора агучыла спэцдакладчыца ў пытаньнях гандлю людзьмі Рады ААН па правах чалавека Джой Нгозі Эзэйла (Нігерыя).
Паводле яе слоў, праблема гандлю людзьмі мае глябальны характар і ахоплівае ўсе краіны сьвету. Пры гэтым Беларусь, якую яна наведала сёлета ўвесну, як бедная транзытная краіна апынаецца ў гэтай справе сярод лідэраў.
Спадарыня Джой Нгозі Эзэйла выказала заклапочанасьць, што такі “крымінальны бізнэс працягвае квітнець”, у тым ліку з-за таго, што праблеме не аддаецца належная ўвага на высокім міжнародным узроўні.
Паводле слоў дакладчыцы, многіх ахвяраў прымусовага рабства вельмі хутка дэпартуюць на радзіму без адпаведнай рэабілітацыі. Гэтыя дзеці, маладыя жанчыны і мужчыны, якія ў выніку шматлікіх фізычных, псыхалягічных, сэксуальных зьдзекаў атрымліваюць цяжкія траўмы, зазнаюць, прыбыўшы на радзіму, дадатковую зьнявагу з боку мясцовых чыноўнікаў.
Дж.Н. Эзэйла лічыць, што ўсе тры краіны — Беларусь, Польшча і Японія, якія ёй давялося наведаць апошнім часам, павінны яшчэ шмат зрабіць у справах прадухіленьня нелегальнага вывазу людзей і дапамогі яго ахвярам.
“Гандаль людзьмі дзеля працоўнай эксплюатацыі, відавочна, будзе расьці, асабліва ва ўмовах глябальнага крызысу, масавага беспрацоўя, жабрацтва ды схільнасьці працадаўцаў выкарыстоўваць танную працоўную сілу”, — падкрэсьліла спэцдакладчыца ААН.
Эзэйла высока ацаніла практыку Беларусі — фінансавую дапамогу ахвярам гандлю і стварэньне вучэбнага цэнтру па пытаньнях гандлю людзьмі і міграцыі. Пры гэтым спэцдакдадчыца выказала на адрас беларускіх уладаў пажаданьне прыкласьці больш намаганьняў, каб прадухіліць першапрычыны гандлю людзьмі, перадае Associated Press.
Спадарыня Джой Нгозі Эзэйла выказала заклапочанасьць, што такі “крымінальны бізнэс працягвае квітнець”, у тым ліку з-за таго, што праблеме не аддаецца належная ўвага на высокім міжнародным узроўні.
Паводле слоў дакладчыцы, многіх ахвяраў прымусовага рабства вельмі хутка дэпартуюць на радзіму без адпаведнай рэабілітацыі. Гэтыя дзеці, маладыя жанчыны і мужчыны, якія ў выніку шматлікіх фізычных, псыхалягічных, сэксуальных зьдзекаў атрымліваюць цяжкія траўмы, зазнаюць, прыбыўшы на радзіму, дадатковую зьнявагу з боку мясцовых чыноўнікаў.
Дж.Н. Эзэйла лічыць, што ўсе тры краіны — Беларусь, Польшча і Японія, якія ёй давялося наведаць апошнім часам, павінны яшчэ шмат зрабіць у справах прадухіленьня нелегальнага вывазу людзей і дапамогі яго ахвярам.
“Гандаль людзьмі дзеля працоўнай эксплюатацыі, відавочна, будзе расьці, асабліва ва ўмовах глябальнага крызысу, масавага беспрацоўя, жабрацтва ды схільнасьці працадаўцаў выкарыстоўваць танную працоўную сілу”, — падкрэсьліла спэцдакладчыца ААН.
Эзэйла высока ацаніла практыку Беларусі — фінансавую дапамогу ахвярам гандлю і стварэньне вучэбнага цэнтру па пытаньнях гандлю людзьмі і міграцыі. Пры гэтым спэцдакдадчыца выказала на адрас беларускіх уладаў пажаданьне прыкласьці больш намаганьняў, каб прадухіліць першапрычыны гандлю людзьмі, перадае Associated Press.