Адкуль прыйшлі інвэстыцыі

Найбуйнейшыя краіны-інвэстары

Хто колькі ўклаў

(у мільёнах даляраў ЗША)


Дадзеныя Белстат і МЗС Беларусі


1 ліпеня міжнароднае рэйтынгавае агенцтва Standard & Poor's пацьвердзіла сувэрэнныя крэдытныя рэйтынгі Беларусі: доўгатэрміновы і кароткатэрміновы рэйтынгі па абавязаньнях у замежнай валюце (В+/В) і доўгатэрміновы і кароткатэрміновы рэйтынгі па абавязаньнях у нацыянальнай валюце (ВВ/В). Прагноз па рэйтынгах — “нэгатыўны”.

“Узровень рэйтынгаў Беларусі абмежаваны структурнымі праблемамі, абумоўленымі нягнуткай эканамічнай палітыкай, у тым ліку залежнасьцю ад ключавых гандлёвых партнэраў — краінаў СНД, пагаршэньнем вонкавай ліквіднасьці і абмежаваным доступам да міжнародных рынкаў капіталу. Заключэньне дамовы пра крэдыт ад Міжнароднага валютнага фонду ў студзені 2009 году дапамагло пазьбегнуць нарастаньня ціску на міжнародныя рэзэрвы”, — адзначыў крэдытны аналітык Standard & Poor's Кай Штукэнброк.

Пагаршэньне міжнароднай эканамічнай каньюнктуры можа зрабіць значны нэгатыўны ўплыў на экспартна-арыентаваную эканоміку Беларусі. Агенцтва чакае, што эканамічны спад у Беларусі складзе сёлета 5% — пасьля значнага росту ў 10% у 2008 г.

Прагноз “негатыўны” адлюстроўвае нізкі ўзровень вонкавай ліквіднасьці, а таксама нарастаньне праблемаў, зьвязаных з цэнтралізаваным характарам беларускай эканомікі.

Першы ў сваёй гісторыі крэдытны рэйтынг Беларусь атрымала ў 2007 годзе. Тады ён быў вызначаны як стабільны.

Сувэрэнны крэдытны рэйтынг разглядаецца замежнымі інвэстарамі як аб'ектыўная ацэнка рызыкоўнасьці ўкладаньняў у эканоміку пэўнай дзяржавы.

Рэйтынгавыя агенцтвы вызначаюць сувэрэнны крэдытны рэйтынг як экспэртную ацэнку гатоўнасьці і здольнасьці дзяржавы выконваць свае крэдытныя абавязаньні перад замежнымі інвэстарамі і крэдыторамі, а таксама іншыя вонкавыя фінансавыя абавязаньні.

Беларусь – 110-я па інвэстыцыйнай прывабнасьці

Ці робіцца Беларусь новым Сынгапурам?

“Крок наперад, два крокі назад”