Моцныя ліўні абрынуліся на Гомельшчыну. За мінулую ноч у Чачэрску выпала амаль месячная норма ападкаў — 81 мілімэтар пры сярэднім паказьніку 92 мілімэтры.
Пасьля менскай залевы моцныя ліўні абрынуліся на Гомельшчыну. Паводле зьвестак абласнога цэнтру гідрамэтэаралёгіі й маніторынгу навакольнага прыроднага асяродзьдзя, за мінулую ноч у Чачэрску выпала амаль месячная норма ападкаў — 81 мілімэтар пры сярэднім паказьніку 92 мілімэтры.
У мясцовае прадпрыемства жыльлёва-камунальнай гаспадаркі па дапамогу зьвярнуліся 60 гаспадароў. У шэрагу прыватных дамоў на вуліцах 60 год Кастрычніка, Першамайскай, Калгаснай, Гагарына дажджавая вада заліла падворкі, падвалы, скляпы. Пацяклі дахі ў шматпавярховых дамах №№ 22, 32, 49 на вуліцы Савецкай. Брыгады камунальнікаў і супрацоўнікаў МНС адпампоўваюць ваду, латаюць, дзе магчыма, дахі.
Каля 40 падворкаў падтоплены ў Жлобіне, асабліва моцна — на вуліцы Шасэйнай.
Шмат шкоды моцныя ліўні нарабілі ў Сьветлагорску. Багата прыватных гародаў і падворкаў апынулася пад вадой. На працягу 26 ліпеня ў райцэнтры выпала 83 мілімэтры ападкаў пры сярэдняй ліпеньскай норме 89 мілімэтраў.
Больш за паўмесячную норму дажджу выпала мінулай ноччу ў Гомелі. Раніцай складана было праехаць па некаторых участках вуліц у мікрараёне Гомсельмаш, а таксама па Рэчыцкай шашы, вуліцы Палескай ды некаторых іншых.
Раніцай выратавальнікі МНС адпампоўвалі ваду з падвалаў будынка абласной міліцыі на вуліцы Камунараў, а таксама з падвалаў дзіцячага шпіталя на вуліцы Жаркоўскага.
У мясцовае прадпрыемства жыльлёва-камунальнай гаспадаркі па дапамогу зьвярнуліся 60 гаспадароў. У шэрагу прыватных дамоў на вуліцах 60 год Кастрычніка, Першамайскай, Калгаснай, Гагарына дажджавая вада заліла падворкі, падвалы, скляпы. Пацяклі дахі ў шматпавярховых дамах №№ 22, 32, 49 на вуліцы Савецкай. Брыгады камунальнікаў і супрацоўнікаў МНС адпампоўваюць ваду, латаюць, дзе магчыма, дахі.
Каля 40 падворкаў падтоплены ў Жлобіне, асабліва моцна — на вуліцы Шасэйнай.
Шмат шкоды моцныя ліўні нарабілі ў Сьветлагорску. Багата прыватных гародаў і падворкаў апынулася пад вадой. На працягу 26 ліпеня ў райцэнтры выпала 83 мілімэтры ападкаў пры сярэдняй ліпеньскай норме 89 мілімэтраў.
Больш за паўмесячную норму дажджу выпала мінулай ноччу ў Гомелі. Раніцай складана было праехаць па некаторых участках вуліц у мікрараёне Гомсельмаш, а таксама па Рэчыцкай шашы, вуліцы Палескай ды некаторых іншых.
Раніцай выратавальнікі МНС адпампоўвалі ваду з падвалаў будынка абласной міліцыі на вуліцы Камунараў, а таксама з падвалаў дзіцячага шпіталя на вуліцы Жаркоўскага.