Тым часам для атамнікаў у Астраўцы будуюць першы дом.
Беларусь абрала расейскі праект АЭС, падрыхтаваны навукоўцамі з Санкт-Пецярбургу, паведаміў віцэ-прэм’ер беларускага ўраду Ўладзімер Сямашка, выступаючы ў Нацыянальным сходзе.
Паводле ягоных словаў, расейскі ўрад гатовы выдзяліць цягам 2010 – 2018 гадоў 9 мільярдаў даляраў крэдыту на будаўніцтва АЭС. Пра гэта нядаўна паведаміў у лісьце Ўладзімер Пуцін.
Паводле словаў Сямашкі, беларускі бок спадзяецца падпісаць кантракт з расейскімі будаўнікамі ў верасьні гэтага году.