Заўчора ўвечары на тэрыторыю пратэстанцкай царквы “Новае жыцьцё”, што ў менскім мікрараёне Сухарава, прыехалі людзі ў цывільным, якія назваліся прадстаўнікамі ЖРЭА Маскоўскага раёну. На словах гэтыя людзі паведамілі, што пасьля адпаведнай пастановы Вышэйшага гаспадарчага суду яны атрымалі загад Менгарвыканкаму паставіць на свой балянс будынак царквы.
Пра падрабязнасьці прыезду чыноўнікаў апавядае сьведка – юрыст “Новага жыцьця” Сяргей Луканін:
“Прыехала дзяржаўная “Волга”, зь якой выйшлі два чалавекі. Дакумэнты запатрабавалі, не адрэкамэндаваўшыся. Сказалі, што ўжо за будынак ўнесены грошы Менгармаёмасьцю. Я паведаміў ім: тыя грошы – 37 з паловай мільёнаў – мы вярнулі назад. І што царква “Новае жыцьцё” накіравала ліст у Менгарвыканкам, што мы адмаўляемся ад пераезду ў іншае месца і пакідаем будынак за сабой. На што прадстаўнік ЖРЭА сказаў, што яны павінны будуць прымаць меры для выкананьня загаду і што, па яго словах, “хутка яшчэ сустрэнемся”. На пытаньне, якія меры будуць прымаць, адказаў – “убачыце”.
Каб высьветліць, хто прыяжджаў насамрэч, тэлефаную намесьніку начальніка ЖРЭА Маскоўскага раёну Дзьмітрыю Сушко. Адказ зьдзівіў:
“А пра які будынак ідзе гаворка? Я ня ведаю, дзе царква “Новае жыцьцё”. А пры чым тут я? Я ня веру, што мы займаемся нейкім кароўнікам, бо кароўнікаў у нас на балянсе няма. Ня ведаю, кім мусіруецца, але ад вас я чую пра гэта першы раз...”
Загадчык аддзелу нежылога фонду ЖРЭА Ўладзімер Ерафееў, аднак, унік у сытуацыю, як кажуць, зь лёту.
“Гэта былі мы – вядома! Даручэньне – паглядзець, ці выкарыстоўваецца памяшканьне. Напісалі “акцік” і перадалі юрыдычнаму аддзелу. Зь ім зьвязвайцеся...”
Тэлефаную загадчыцы юрыдычнага аддзелу Людміле Булызе:
“У царквы “Новае жыцьцё” ўсе дакумэнты ёсьць. Ёсьць рашэньне касацыйнай калегіі Вышэйшага гаспадарчага суду ад 5 сакавіка, дзе ўсе патрабаваньні царквы пакінутыя без задавальненьня – і пра тое, каб зарэгістраваць правы на зямельны ўчастак і адмяніць рашэньні гораду. Ім трэба вызваляць памяшканьне, зямельны ўчастак у сувязі з тым, што ідзе нямэтавае выкарыстаньне. Пастанову суду будуць выконваць судовыя выканаўцы...”
Камэнтар юрыста царквы “Новае жыцьцё” Сяргея Луканіна:
“У Вышэйшым гаспадарчым судзе было відавочна, што ўсе законы на нашым баку, калі судзьдзя ставіла ў тупік прадстаўнікоў Менгарвыканкаму – яны нічога не маглі адказаць. Але потым выносіліся рашэньні супраць нас. Мы адчуваем, што выконваюць загад. Мы не пакінем свайго будынку, калі ўсе судзьдзі краіны зьбяруцца разам і падпішуць нейкую пастанову. Ня ведаем, ці скончыцца гэта зноў АМАПам і галадоўкамі вернікаў. Мы ведаем, што Бог за нас, і мы пераможам”.
“Прыехала дзяржаўная “Волга”, зь якой выйшлі два чалавекі. Дакумэнты запатрабавалі, не адрэкамэндаваўшыся. Сказалі, што ўжо за будынак ўнесены грошы Менгармаёмасьцю. Я паведаміў ім: тыя грошы – 37 з паловай мільёнаў – мы вярнулі назад. І што царква “Новае жыцьцё” накіравала ліст у Менгарвыканкам, што мы адмаўляемся ад пераезду ў іншае месца і пакідаем будынак за сабой. На што прадстаўнік ЖРЭА сказаў, што яны павінны будуць прымаць меры для выкананьня загаду і што, па яго словах, “хутка яшчэ сустрэнемся”. На пытаньне, якія меры будуць прымаць, адказаў – “убачыце”.
Каб высьветліць, хто прыяжджаў насамрэч, тэлефаную намесьніку начальніка ЖРЭА Маскоўскага раёну Дзьмітрыю Сушко. Адказ зьдзівіў:
“А пра які будынак ідзе гаворка? Я ня ведаю, дзе царква “Новае жыцьцё”. А пры чым тут я? Я ня веру, што мы займаемся нейкім кароўнікам, бо кароўнікаў у нас на балянсе няма. Ня ведаю, кім мусіруецца, але ад вас я чую пра гэта першы раз...”
Загадчык аддзелу нежылога фонду ЖРЭА Ўладзімер Ерафееў, аднак, унік у сытуацыю, як кажуць, зь лёту.
“Гэта былі мы – вядома! Даручэньне – паглядзець, ці выкарыстоўваецца памяшканьне. Напісалі “акцік” і перадалі юрыдычнаму аддзелу. Зь ім зьвязвайцеся...”
Тэлефаную загадчыцы юрыдычнага аддзелу Людміле Булызе:
“У царквы “Новае жыцьцё” ўсе дакумэнты ёсьць. Ёсьць рашэньне касацыйнай калегіі Вышэйшага гаспадарчага суду ад 5 сакавіка, дзе ўсе патрабаваньні царквы пакінутыя без задавальненьня – і пра тое, каб зарэгістраваць правы на зямельны ўчастак і адмяніць рашэньні гораду. Ім трэба вызваляць памяшканьне, зямельны ўчастак у сувязі з тым, што ідзе нямэтавае выкарыстаньне. Пастанову суду будуць выконваць судовыя выканаўцы...”
Камэнтар юрыста царквы “Новае жыцьцё” Сяргея Луканіна:
“У Вышэйшым гаспадарчым судзе было відавочна, што ўсе законы на нашым баку, калі судзьдзя ставіла ў тупік прадстаўнікоў Менгарвыканкаму – яны нічога не маглі адказаць. Але потым выносіліся рашэньні супраць нас. Мы адчуваем, што выконваюць загад. Мы не пакінем свайго будынку, калі ўсе судзьдзі краіны зьбяруцца разам і падпішуць нейкую пастанову. Ня ведаем, ці скончыцца гэта зноў АМАПам і галадоўкамі вернікаў. Мы ведаем, што Бог за нас, і мы пераможам”.