Сёньня шосты дзень галадоўкі на знак салідарнасьці з ваўкавыскімі прадпрымальнікамі Мікалаем Аўтуховічам, Юрыем Лявонавым, Уладзімерам Асіпенкам. 9 га траўня ўдзельнікаў акцыі ва ўправе БНФ стала меней. Часова спынілі галадаваньне Глеб Скоркін – з рэкамэндацыі лекара і Андрусь Цянюта, у якога надышоў час здачы іспытаў у вышэйшай навучальнай установе. Па-ранейшаму галадуюць маладафронтаўцы Наста Палажанка, Арцём Дубскі, Мікола Дземідзенка, Яўген Скрабец, Ірына Губская, Ільля Нагорны.
Калі я сёньня чарговым разам прыйшоў да галадоўнікаў, то адразу ўбачыў, што на сьцяне над іхнымі галовамі вісіць вялікі бел-чырвона-белы сьцяг. Раней тут вісела расьцяжка — “ГАЛАДОЎКА”. Ірына Губская ўзяла расьцяжку на акцыю на Кастрычніцкай плошчы. А там міліцыянты сілай адабралі яе і не вярталі. Але сёньня яны нечакана дазволілі забраць расьцяжку. І хутка яна вернецца на сваё звыклае месца.
І яшчэ першае ўражаньне, што сёньня нібыта ў пакоі неяк спакайней. Мікола Дземідзенка тлумачыць:
“Сёньня выходны ў офісе Партыі БНФ. Менш наведвальнікаў, амаль ціха. Мы ляжым, адпачываем. Сёньня зранку прыходзіў лекар, зрабіў нам асабісты дагляд. Мы сказалі, што адчуваем сябе нармальна. І ён пацьвердзіў, што стан нашага здароўя пакуль ня кепскі”.
Выключэньне складае толькі Глеб Скоркін. Лекар парэкамэндаваў хлопцу, хаця б часова прыпыніць галадоўку. Да таго ж, ва аўторак,12-га траўня, у Салігорску, дзе жыве Глеб, пачнецца суд над ім і яшчэ некалькімі маладафронтаўцамі. Іх абвінавачваюць у тым, што 5-га траўня яны разьвярнулі на цэнтральнай плошчы Салігорска расьцяжку “Школа – для ўсіх”. Так яны падтрымалі свайго сябру Івана Шылу, якому за ягоную грамадзкую актыўнасьць не дазваляюць здаць школьныя іспыты. І хаця Глеб не хацеў перарываць галадоўку, сябры ўгаварылі яго паехаць дамоў.
Вагаўся і Андрусь Цянюта. Але і тут усе выказаліся за тое, каб ён ехаў на іспыты. Арцём Дубскі жартуе, што ў Андруся надышоў дэмбель. А сам Андрусь тлумачыць сытуацыю:
“Я паеду ў Гомель, каб быў дзянёк адыйсьці ад галадоўкі. А пасьля паеду ў Бранск. Там я вучуся на другім курсе сельскагаспадарчай акадэміі. У мяне другі курс, буду інжынэрам-мэханікам. На першым курсе вучыўся на чацьвёркі, там пяцібальная сыстэма”.
Ірына Губская цьвердзіць, што пакуль усё праходзіць добра:
“Ня ведаю, што яшчэ дадаць. Усё нармальна. Учора нас вельмі шмат заклікалі спыніць галадоўку. Прыходзілі прадстаўнікі Беларускай рады інтэлігенцыі, Аляксандар Казулін. Сам Аўтуховіч заклікае нас спыніць галадаваньне. Ну, але ж сам ён не спыніў галадоўку. Таму і мы працягваем”.
Ірына сьмяецца, што ёсьць “водная” праблема:
“Нам прыносяць ваду ў вялікіх бутлях. Але для нас гэта ня вельмі зручна. Нам зручней у малых. Глядзіце, вялікіх стаіць многа, малых – меней”.
Сёньня ж днём супрацоўнікі міліцыі затрымалі Яўгена Скрабца ды Ільлю Нагорнага. Хлопцы выйшлі з управы на вуліцу падыхаць сьвежым паветрам. Іх адвезьлі ў міліцыю Цэнтральнага раёну Менску. Але праз гадзіну маладафронтаўцаў выпусьцілі.
Тры ваўкавыскія прадпрымальнікі знаходзяцца пад сьледзтвам. Іх падазраюць у наўмысных падпалах, што яны абвяргаюць. Усе трое маюць праблемы са здароўем. Юры Лявонаў ужо быў у турэмным шпіталі. Мікалай Аўтуховіч знаходзіцца ў мэдычным ізалятары. Ён трымае галадоўку пратэсту за кратамі ад 16 красавіка.
Калі я сёньня чарговым разам прыйшоў да галадоўнікаў, то адразу ўбачыў, што на сьцяне над іхнымі галовамі вісіць вялікі бел-чырвона-белы сьцяг. Раней тут вісела расьцяжка — “ГАЛАДОЎКА”. Ірына Губская ўзяла расьцяжку на акцыю на Кастрычніцкай плошчы. А там міліцыянты сілай адабралі яе і не вярталі. Але сёньня яны нечакана дазволілі забраць расьцяжку. І хутка яна вернецца на сваё звыклае месца.
І яшчэ першае ўражаньне, што сёньня нібыта ў пакоі неяк спакайней. Мікола Дземідзенка тлумачыць:
“Сёньня выходны ў офісе Партыі БНФ. Менш наведвальнікаў, амаль ціха. Мы ляжым, адпачываем. Сёньня зранку прыходзіў лекар, зрабіў нам асабісты дагляд. Мы сказалі, што адчуваем сябе нармальна. І ён пацьвердзіў, што стан нашага здароўя пакуль ня кепскі”.
Выключэньне складае толькі Глеб Скоркін. Лекар парэкамэндаваў хлопцу, хаця б часова прыпыніць галадоўку. Да таго ж, ва аўторак,12-га траўня, у Салігорску, дзе жыве Глеб, пачнецца суд над ім і яшчэ некалькімі маладафронтаўцамі. Іх абвінавачваюць у тым, што 5-га траўня яны разьвярнулі на цэнтральнай плошчы Салігорска расьцяжку “Школа – для ўсіх”. Так яны падтрымалі свайго сябру Івана Шылу, якому за ягоную грамадзкую актыўнасьць не дазваляюць здаць школьныя іспыты. І хаця Глеб не хацеў перарываць галадоўку, сябры ўгаварылі яго паехаць дамоў.
Вагаўся і Андрусь Цянюта. Але і тут усе выказаліся за тое, каб ён ехаў на іспыты. Арцём Дубскі жартуе, што ў Андруся надышоў дэмбель. А сам Андрусь тлумачыць сытуацыю:
“Я паеду ў Гомель, каб быў дзянёк адыйсьці ад галадоўкі. А пасьля паеду ў Бранск. Там я вучуся на другім курсе сельскагаспадарчай акадэміі. У мяне другі курс, буду інжынэрам-мэханікам. На першым курсе вучыўся на чацьвёркі, там пяцібальная сыстэма”.
Ірына Губская цьвердзіць, што пакуль усё праходзіць добра:
“Ня ведаю, што яшчэ дадаць. Усё нармальна. Учора нас вельмі шмат заклікалі спыніць галадоўку. Прыходзілі прадстаўнікі Беларускай рады інтэлігенцыі, Аляксандар Казулін. Сам Аўтуховіч заклікае нас спыніць галадаваньне. Ну, але ж сам ён не спыніў галадоўку. Таму і мы працягваем”.
Ірына сьмяецца, што ёсьць “водная” праблема:
“Нам прыносяць ваду ў вялікіх бутлях. Але для нас гэта ня вельмі зручна. Нам зручней у малых. Глядзіце, вялікіх стаіць многа, малых – меней”.
Сёньня ж днём супрацоўнікі міліцыі затрымалі Яўгена Скрабца ды Ільлю Нагорнага. Хлопцы выйшлі з управы на вуліцу падыхаць сьвежым паветрам. Іх адвезьлі ў міліцыю Цэнтральнага раёну Менску. Але праз гадзіну маладафронтаўцаў выпусьцілі.
Тры ваўкавыскія прадпрымальнікі знаходзяцца пад сьледзтвам. Іх падазраюць у наўмысных падпалах, што яны абвяргаюць. Усе трое маюць праблемы са здароўем. Юры Лявонаў ужо быў у турэмным шпіталі. Мікалай Аўтуховіч знаходзіцца ў мэдычным ізалятары. Ён трымае галадоўку пратэсту за кратамі ад 16 красавіка.