Моладзевыя актывісты правялі дзьве вулічныя акцыі салідарнасьці зь сем’ямі зьніклых і палітвязьнямі ў цэнтры Менску.
Першая акцыя адбылася а 18-й гадзіне на плошчы Незалежнасьці, праз дзьве гадзіны — ланцуг на Кастрычніцкай плошчы. Міліцыянты ў цывільным назіралі за акцыямі і здымалі ўдзельнікаў на відэакамэру. Гэтым разам абышлося без затрыманьняў.
Актывісты руху “Маладая Беларусь”, арганізацыі “Вольная моладзь”, руху “Джынс за свабоду” і моладзь БНФ ладзілі ланцуг на Кастрычніцкай плошчы. Яны трымалі расьцяжкі з абрэвіятурай акцыі салідарнасьці, якая ладзіцца чацьвёрты год штомесяц 16-га чысла.
Гаворыць лідэр руху “Маладая Беларусь” Артур Фінькевіч:
“Мы адстойваем нашых паплечнікаў, якія цяпер знаходзяцца ў няволі. Натуральна, што гэта абавязак кожнага з нас”.
Актывіст руху “Джынс за свабоду” Павал Юхневіч дадаў:
“Я пакуль не лічу, што ў нас ёсьць лібэралізацыя, таму што пакуль у нас ёсьць палітвязьні. Ведаеце, для мяне гэта самы галоўны чыньнік. Ня будзе палітвязьняў, то я, можа, скажу, так, магчыма, лібэралізацыя ёсьць.
Тое, што нас цяпер не чапаюць, не чапалі 12-га чысла і, хацелася б верыць, што 25-га таксама ня будзе нейкіх рэпрэсій і сілавых дзеяньняў, то гэта яшчэ не паказьнік”.
Двое міліцыянтаў у форме прайшлі ўздоўж ланцугу зь некалькіх дзясяткаў чалавек з мэгафонамі. Яны папярэджвалі, што акцыя несанкцыянаваная і можа быць ужытая сіла.
Маладыя людзі казалі, што не баяцца трапіць у выпадку разгону акцыі і затрыманьня за краты напярэдадні сьвяткаваньня Дня Волі.
Марыя Касьян, актывістка кампаніі “Эўрапейская Беларусь” пакінула дома са сваімі бацькамі маленькае дзіця, каб схадзіць на акцыю салідарнасьці:
“Мы прыйшлі на акцыю, бо неабыякавыя да лёсу гэтых людзей, якія сядзяць за кратамі, да лёсу тых людзей, якія прапалі бязь зьвестак у нашай краіне, і да таго, што ўлады робяць злачынствы, а людзі маўчаць.
Мы беларусы і мы ня будзем маўчаць. Гэта наша краіна і наша зямля”.
Гаворыць Андрэй Кім:
“Я ведаю, што Лявонаў, Аўтуховіч і Дубскі былі салідарныя са мной, калі я сядзеў у турме. Я ведаю, як гэта важна, калі ёсьць людзі, якія не баяцца выходзіць і дапамагаюць хаця б сваёй салідарнасьцю”.
Адзін з лідэраў руху “Джынс за свабоду” Яўген Афнагель зьвярнуўся да прысутных праз мэгафон:
“Амністыю ўдзельнікам працэсу 14-ці! Тым маладым людзям, якія адбываюць пакараньне за ўдзел у вулічнай акцыі! Патрабуем спыніць перасьлед моладзі за яе палітычную пазыцыю! Патрабуем дазволіць распаўсюд апазыцыйнай і незалежнай прэсы! Дазволіць свабоду сходаў!”
За дзьве гадзіны да акцыі на Кастрычніцкай плошчы актывісты “Маладога фронту” ладзілі ланцуг на плошчы Незалежнасьці. Акрамя лёзунгу “Свабоду палітвязьням!”, яны трымалі расьцяжку: “Не — палітычнаму прызыву!”. Кіраўнікі міліцыі з міністэрства і гарадзкога ўпраўленьня, а таксама спэцназаўцы ў цывільным назіралі за акцыямі, але загаду разганяць пікеты не было.
Актывісты руху “Маладая Беларусь”, арганізацыі “Вольная моладзь”, руху “Джынс за свабоду” і моладзь БНФ ладзілі ланцуг на Кастрычніцкай плошчы. Яны трымалі расьцяжкі з абрэвіятурай акцыі салідарнасьці, якая ладзіцца чацьвёрты год штомесяц 16-га чысла.
Гаворыць лідэр руху “Маладая Беларусь” Артур Фінькевіч:
“Мы адстойваем нашых паплечнікаў, якія цяпер знаходзяцца ў няволі. Натуральна, што гэта абавязак кожнага з нас”.
Актывіст руху “Джынс за свабоду” Павал Юхневіч дадаў:
“Я пакуль не лічу, што ў нас ёсьць лібэралізацыя, таму што пакуль у нас ёсьць палітвязьні. Ведаеце, для мяне гэта самы галоўны чыньнік. Ня будзе палітвязьняў, то я, можа, скажу, так, магчыма, лібэралізацыя ёсьць.
Тое, што нас цяпер не чапаюць, не чапалі 12-га чысла і, хацелася б верыць, што 25-га таксама ня будзе нейкіх рэпрэсій і сілавых дзеяньняў, то гэта яшчэ не паказьнік”.
Двое міліцыянтаў у форме прайшлі ўздоўж ланцугу зь некалькіх дзясяткаў чалавек з мэгафонамі. Яны папярэджвалі, што акцыя несанкцыянаваная і можа быць ужытая сіла.
Маладыя людзі казалі, што не баяцца трапіць у выпадку разгону акцыі і затрыманьня за краты напярэдадні сьвяткаваньня Дня Волі.
Марыя Касьян, актывістка кампаніі “Эўрапейская Беларусь” пакінула дома са сваімі бацькамі маленькае дзіця, каб схадзіць на акцыю салідарнасьці:
“Мы прыйшлі на акцыю, бо неабыякавыя да лёсу гэтых людзей, якія сядзяць за кратамі, да лёсу тых людзей, якія прапалі бязь зьвестак у нашай краіне, і да таго, што ўлады робяць злачынствы, а людзі маўчаць.
Мы беларусы і мы ня будзем маўчаць. Гэта наша краіна і наша зямля”.
Гаворыць Андрэй Кім:
“Я ведаю, што Лявонаў, Аўтуховіч і Дубскі былі салідарныя са мной, калі я сядзеў у турме. Я ведаю, як гэта важна, калі ёсьць людзі, якія не баяцца выходзіць і дапамагаюць хаця б сваёй салідарнасьцю”.
Адзін з лідэраў руху “Джынс за свабоду” Яўген Афнагель зьвярнуўся да прысутных праз мэгафон:
“Амністыю ўдзельнікам працэсу 14-ці! Тым маладым людзям, якія адбываюць пакараньне за ўдзел у вулічнай акцыі! Патрабуем спыніць перасьлед моладзі за яе палітычную пазыцыю! Патрабуем дазволіць распаўсюд апазыцыйнай і незалежнай прэсы! Дазволіць свабоду сходаў!”
За дзьве гадзіны да акцыі на Кастрычніцкай плошчы актывісты “Маладога фронту” ладзілі ланцуг на плошчы Незалежнасьці. Акрамя лёзунгу “Свабоду палітвязьням!”, яны трымалі расьцяжку: “Не — палітычнаму прызыву!”. Кіраўнікі міліцыі з міністэрства і гарадзкога ўпраўленьня, а таксама спэцназаўцы ў цывільным назіралі за акцыямі, але загаду разганяць пікеты не было.
