Пракурор Астраўца выдаў ордэр на агляд кватэраў актывістаў Івана Крука й Мікалая Ўласевіча, якія выступаюць супраць будаўніцтва ў рэгіёне атамнай электрастанцыі.
Ордэр быў выдадзены яшчэ ў пятніцу й супрацоўнікі міліцыі спрабавалі тады правесьці агляд, але не зрабілі гэтага.
У Міколы Ўласевіча нікога не было ў хаце, а сын Івана Крука адмовіўся каго-колечы без дазволу бацькі пускаць у кватэру.
Сёньня, са слоў Івана Крука, пракурор патлумачыў яму, што ордэр быў выдадзены ў сувязі з выхадам у рэгіёне незарэгістраванага выданьня “Астравецкі весьнік”.
“Астравецкі весьнік” самастойна выдалі чальцы аргкамітэту грамадзянскай ініцыятывы “Астравецкая атамная — гэта злачынства”. У першым нумары выданьня зьмешчаны матэрыялы, скіраваныя супраць будаўніцтва Астравецкай АЭС.
Сябры аргкамітэту лічаць, што АЭС “па азначэньні ня можа быць пабудаваная ў самай сэйсманебясьпечнай зоне, якой зьяўляецца Астравецкі раён Гарадзенскай вобласьці”. Пра гэта гаворыцца ў матэрыяле старшыні аргкамітэту Міколы Ўласевіча.
Нагадаю, што сябры аргкамітэту грамадзянскай ініцыятывы “Астравецкая атамная — гэта злачынства” ўжо неаднаразова зьвярталіся да мясцовых уладаў, каб тыя дазволілі правесьці пікеты, сустрэчу з навукоўцамі з мэтай давесьці да людзей марнасьць ідэі пабудовы станцыі ў раёне.
Усе разы ім было адмоўлена. Акрамя гэтага, мясцовая раёнка адмовілася зьмяшчаць на сваіх старонках матэрыялы чальцоў аргкамітэту, у якіх крытыкавалася пазыцыя беларускіх уладаў у дачыненьні да будаўніцтва АЭС.
“Усе гэтыя прычыны й сталі нагодай для зьяўленьня новага выданьня”, — падкрэсьліў Мікола Ўласевіч.
Сёньня спадары Крук і Ўласевіч напісалі скаргу на дзеяньні раённага пракурора Генэральнаму пракурору.
У Міколы Ўласевіча нікога не было ў хаце, а сын Івана Крука адмовіўся каго-колечы без дазволу бацькі пускаць у кватэру.
Сёньня, са слоў Івана Крука, пракурор патлумачыў яму, што ордэр быў выдадзены ў сувязі з выхадам у рэгіёне незарэгістраванага выданьня “Астравецкі весьнік”.
Ордэр быў выдадзены ў сувязі з выхадам у рэгіёне незарэгістраванага выданьня “Астравецкі весьнік”.
Сябры аргкамітэту лічаць, што АЭС “па азначэньні ня можа быць пабудаваная ў самай сэйсманебясьпечнай зоне, якой зьяўляецца Астравецкі раён Гарадзенскай вобласьці”. Пра гэта гаворыцца ў матэрыяле старшыні аргкамітэту Міколы Ўласевіча.
Нагадаю, што сябры аргкамітэту грамадзянскай ініцыятывы “Астравецкая атамная — гэта злачынства” ўжо неаднаразова зьвярталіся да мясцовых уладаў, каб тыя дазволілі правесьці пікеты, сустрэчу з навукоўцамі з мэтай давесьці да людзей марнасьць ідэі пабудовы станцыі ў раёне.
Усе разы ім было адмоўлена. Акрамя гэтага, мясцовая раёнка адмовілася зьмяшчаць на сваіх старонках матэрыялы чальцоў аргкамітэту, у якіх крытыкавалася пазыцыя беларускіх уладаў у дачыненьні да будаўніцтва АЭС.
“Усе гэтыя прычыны й сталі нагодай для зьяўленьня новага выданьня”, — падкрэсьліў Мікола Ўласевіч.
Сёньня спадары Крук і Ўласевіч напісалі скаргу на дзеяньні раённага пракурора Генэральнаму пракурору.