Канцэрн "Белнафтахім" перажывае зьніжэньне экспартных магчымасьцяў і рэзкае ўскладненьне рэалізацыі шэрагу асноўных тавараў.
Некаторыя замежныя спажыўцы беларускай нафтахімічнай прадукцыі адмаўляюцца ад раней заяўленых канртактаў. Пра гэта заявіў міністар эканомікі Мікалай Зайчанка, камэтнуючы ўплыў усясьветнага фінансавага крызысу на Беларусь.
"Белнафтахім» паведамляе, што рэзка ўскладнілася рэалізацыя тэхнічных нітак і кордных матэрыялаў. Імпартэры калійных угнаеньняў у Эўропе, Паўднёва-Усходняй Азіі і Бразіліі сталі адмаўляцца ад раней заяўленых аб'ёмаў закупак», - заявіў Мікалай Зайчанка, перадае Інтэрфакс.
Паніжэньне экспартных магчымасьяў можа адбіцца на ўзроўні складзкіх запасаў.