Дзейны старшыня АБСЭ міністар замежных справаў Фінляндыі Аляксандар Стуб у аўторак, 7-га кастрычніка, наведае сталіцу Беларусі.
Пра гэта “Свабодзе” паведаміў сустаршыня Палітрады аб’яднаных дэмакратычных сілаў Анатоль Лябедзька. Ён сказаў, што разам зь іншымі лідэрамі апазыцыі ўжо атрымаў запрашэньне на сустрэчу зь дзейным старшынём АБСЭ.
Паводле неафіцыйнай інфармацыі ня выключана, што Аляксандра Стуба прыме кіраўнік беларускай дзяржавы Аляксандар Лукашэнка.