У беларускім грамадзкім цэнтры “Полацак” ў амэрыканскім Стронгсвілі недалёка ад Кліўленду адбылася 28-я Сустрэча беларусаў Паўночнай Амэрыкі.
У двухдзённым з’ездзе ўзялі удзел больш за дзьве сотні грамадзкіх дзеячоў Злучаных Штатаў, Канады, Англіі, а таксама Беларусі. Упершыню падобная сустрэча ладзілася ў 1952 годзе. Сёлетняю сустрэчу арганізавалі Беларуска-Амэрыканскае задзіночаньне і Беларуска-Амэрыканскі цэнтр “Полацак”.
Старшыня Рады БНР Івонка Сурвіла, адкрываючы сустрэчу, адзначыла: “Цяперашнія беларускія амбасадары прадстаўляюць Лукашэнку. А беларускі народ прадстаўляе дыяспара!”
“Пошук матываваных беларусаў для навучаньня ў ЗША дзеля будучай працы ў Беларусі – адзін з асноўных накірункаў дзейнасьці Цэнтру беларускіх дасьледаваньняў“, -- сказаў у сваім выступе выканаўчы дырэктар Цэнтру, створанага пры Паўднёва-Заходнім Каледжы ў Канзасе, былы амэрыканскі амбасадар у Беларусі ў 1992-1994-м гадах Дэйвід Суорц.
У часе сустрэчы прайшла канфэрэнцыя на тэму “Год беларускай дзяржаўнасьці”. Старшыня Згуртаваньня беларусаў сьвету “Бацькаўшчына”Алена Макоўская гаварыла таксама пра праблему масавага ад’езду моладзі зь Беларусі ў сваім выступе.
Старшыня Кансэрватыўна-Хрысьціянскай партыі БНФ Зянон Пазьняк у сваім выступе гаварыў пра стасункі Беларусі з Расеяй, пра ваенны канфлікт Расеі і Грузіі, а таксама пра падзеі ў самой Беларусі.
“Адукацыйная рэформа, якая павінна рыхтавацца мінімум каля двух гадоў, праводзіцца адным указам! Якая мэта гэтага ўказу? – Мэта – адна: зьніжэньне інтэлектуальнага ўзроўню нацыі”, -- лічыць Зянон Пазьняк.
У рэзалюцыі, прынятай на канфэрэнцыі, адзначаецца неабходнасьць зьмены палітыкі уладаў Беларусі ў дачыненьні да беларускай мовы і культуры і выказваецца пратэст супраць магчымага ўводу расейскіх войскаў на тэрыторыю Беларусі.
У часе сустрэчы былі арганізаваныя выстава беларускіх мастакоў Алеся Шатэрніка, Юліі Шатэрнік, Віктара Коласа, канцэрты, паказ дакумэнтальных і мастацкіх стужак, а таксама беларускі кірмаш і валейбольны турнір.
Старшыня Рады БНР Івонка Сурвіла, адкрываючы сустрэчу, адзначыла: “Цяперашнія беларускія амбасадары прадстаўляюць Лукашэнку. А беларускі народ прадстаўляе дыяспара!”
“Пошук матываваных беларусаў для навучаньня ў ЗША дзеля будучай працы ў Беларусі – адзін з асноўных накірункаў дзейнасьці Цэнтру беларускіх дасьледаваньняў“, -- сказаў у сваім выступе выканаўчы дырэктар Цэнтру, створанага пры Паўднёва-Заходнім Каледжы ў Канзасе, былы амэрыканскі амбасадар у Беларусі ў 1992-1994-м гадах Дэйвід Суорц.
У часе сустрэчы прайшла канфэрэнцыя на тэму “Год беларускай дзяржаўнасьці”. Старшыня Згуртаваньня беларусаў сьвету “Бацькаўшчына”Алена Макоўская гаварыла таксама пра праблему масавага ад’езду моладзі зь Беларусі ў сваім выступе.
Старшыня Кансэрватыўна-Хрысьціянскай партыі БНФ Зянон Пазьняк у сваім выступе гаварыў пра стасункі Беларусі з Расеяй, пра ваенны канфлікт Расеі і Грузіі, а таксама пра падзеі ў самой Беларусі.
“Адукацыйная рэформа, якая павінна рыхтавацца мінімум каля двух гадоў, праводзіцца адным указам! Якая мэта гэтага ўказу? – Мэта – адна: зьніжэньне інтэлектуальнага ўзроўню нацыі”, -- лічыць Зянон Пазьняк.
У рэзалюцыі, прынятай на канфэрэнцыі, адзначаецца неабходнасьць зьмены палітыкі уладаў Беларусі ў дачыненьні да беларускай мовы і культуры і выказваецца пратэст супраць магчымага ўводу расейскіх войскаў на тэрыторыю Беларусі.
У часе сустрэчы былі арганізаваныя выстава беларускіх мастакоў Алеся Шатэрніка, Юліі Шатэрнік, Віктара Коласа, канцэрты, паказ дакумэнтальных і мастацкіх стужак, а таксама беларускі кірмаш і валейбольны турнір.