«На гэты момант няма прадстаўнікоў дэмакратычных арагнізацыяў, палітычных партый сярод затрыманых па справе выбуху 4 ліпеня на канцэрце да афіцыйнага Дня незалежнасьці”, -- сказаў у інтэрвію Радыё Свабода праваабаронца Ўладзімер Лабковіч.
“Але трэба адзначыць, што пасьля вызваленьня ўсе яны застаюцца падазраванымі. Усе яны падпісалі заяву аб тым, што яны зьявяцца па выкліках у органы сьледзтва. Я лічу, што гэта ня ёсьць законным фактам, што людзі дагэтуль застаюцца падазраванымі па справе.
Ніякіх падставаў лічыць іх падазраванымі ( і гэта паказалі дзеяньні цягам гэтых сутак затрыманьня) няма. Гэта можа мець наступствы, бо як падазраваным ім могуць забараніць выезд за межы Беларусі. І канечне, хоць яны і знаходзяцца на волі, але тое, што яны застаюцца падазраванымі, кажа пра тое, што палітычны ціск і палітычны перасьлед да гэтых асобаў і іншых дэмакратычных актывістаў працягваецца», - кажа праваабаронца Ўладзімер Лабковіч.
Гэта можа мець наступствы, бо як падазраваным ім могуць забараніць выезд за межы Беларусі