Пра гэта са спасылкай на прадстаўніка Ірану ў Беларусі Шафіі перадае іранскае агенцтва Irіb.
У выніку перамоваў паміж адной зь іранскіх кампаніяў і беларускім бокам, былі падпісаныя адпаведныя дамовы. Памеры першай, у якой гаворка ідзе пра неабходнае аснашчэньне Гарадзенскай ГЭС, складаюць 8,6 мільёнаў даляраў. Памеры другой - будаўніцтва новай ГЭС на Нёмане - складаюць 110 мільёнаў эўра.
У адпаведнасьці з мэмарандумам аб будаўніцтве новай гідраэлектрастанцыі іранскі бок возьме на сябе выкананьне ўсіх трох этапаў праекту: праектаваньне, будаўніцтва і аснашчэньне станцыі неабходным абсталяваньнем.
Абедзьве станцыі будуць мець дзьве турбіны.
Як падае Irіb, разьвіцьцё ГЭС у краіне зьвязана з падвышэньнем ўсясьветных коштаў на нафту.