Лідэр руху «Разам» Вячаслаў Сіўчык выйшаў на волю з турмы на Акрэсьціна пасьля 15-суткавага арышту.
Яго сустрэлі сваякі і паплечнікі.
Усе 15 сутак Вячаслаў Сіўчык трымаў галадоўку пратэсту супраць умоваў утрыманьня ў турме на Акрэсьціна.
Адміністрацыя пэнітэнцыярнай установы так і не дазволіла адвакату наведаць Вячаслава Сіўчыка ў зьняволеньні.
Вячаслава Сіўчыка затрымалі 3 траўня пасьля акцыі ў Барысаве. Судзьдзя Цэнтральнага суду Менску Міхаіл Хома арыштаваў лідэра руху «Разам» Вячаслава Сіўчыка на 15 сутак.
