Адзін зь лідэраў сэпаратыстаў прызнаўся пра існаваньне «БУКу»

У прарасейскіх сэпаратыстаў быў зэнітна-ракетны комплекс «БУК» на момант, калі ракетай зьбілі самалёт «Малайзійскіх авіяліній». Пра гэта ў інтэрвію агенцтву Reuters распавёў адзін зь лідэраў сэпаратыстаў Аляксандар Хадакоўскі. «Я ведаў, што «БУК» ішоў з Луганску. У той момант мне сказалі, што «БУК» з боку Луганску ідзе пад сьцягам «ЛНР». Пра гэты «БУК» я ведаю, я чуў», - сказаў Хадакоўскі. На пытаньне, ці дайшоў «БУК» туды, куды было трэба, ён адказаў, што, на яго думку, комплекс вярнулі, каб «прыбраць доказы яго прысутнасьці». Выкарыстана фота з папярэдняга інтэрвію, зробленага 8 ліпеня ў Данецку.