Лінкі ўнівэрсальнага доступу

Усе сайты РС/РСЭ
РАССЫЛКА НАВІНЫ
site logo site logo
Папярэдняя старонка Наступная старонка
Гарачыя навіны!
Палітыка

ЖЫВЫ БЛОГ. На выбарах у Вярхоўную Раду лідуюць Блёк Парашэнкі і Народны фронт

Камуністы, Правы сэктар і іншыя партыі ў Вярхоўную Раду не праходзяць. Камуністаў у Вярхоўнай Радзе ня будзе ўпершыню з часоў распаду СССР.

7 партый-пераможцаў выбараў паводле партыйных сьпісаў падзеляць 225 месцаў у Радзе, яшчэ 213 мандатаў атрымаюць пераможцы аднамандатных мажарытарных акруг. Крым ды шэраг гарадоў і раёнаў Данбаса ня будуць мець сваіх прадстаўнікоў у Радзе. Паводле Канстытуцыі Ўкраіны кааліцыя парлямэнцкай большасьці мае сфармаваць урад.

21:54 26.10.2014

Фотафакт: вынікі экзыт-полаў:

21:49 26.10.2014

У «Народным фронце» выказалі спадзеў, што пасаду прэм’ер-міністра захавае Яцанюк

Пра гэта на брыфінгу заявіў сьпікер цяперашняга складу Рады, адзін з лідэраў «Народнага фронту» Аляксандр Турчынаў:

«Падтрымка „Народнага фронту“ сьведчыць аб тым, што нашы ўкраінцы прызналі прафэсіяналізм і гатоўнасьць працаваць у складаных палітычных умовах дзейнага прэм’ер-міністра Ўкраіны Арсенія Яцанюка».

Лідэр «Бацькаўшчыны» Юлія Цімашэнка абяцала ўсяляк дапамагаць новаму ўраду далучыць Украіну да Эўразьвязу і НАТО.

21:37 26.10.2014

Блёк Парашэнкі запрасіў у кааліцыю «ўсе партыі Майдану»

Лідэр партыі «Блёк Пятра Парашэнкі» Юры Луцэнка запрасіў да ўдзелу ў будучай урадавай кааліцыі ўсе партыі, якія бралі ўдзел ў Эўрамайдане:

«Усе партыі Майдану будуць запрошаныя ў кааліцыю, не будзе таргоў за партыйныя квоты, урад будзе фармавацца па прафэсійнай прыкмеце», — заявіў Луцэнка.

Па выніках экзыт-полаў у Вярхоўную Раду праходзяць сем партый: Блёк Парашэнкі, «Народны фронт», «Самапомач», Радыкальная партыя Ляшко, «Свабода», «Бацькаўшчына» і Апазыцыйны блёк. Апрача апошняй усе яны могуць лічыцца партыямі Майдана.

Загрузіць яшчэ

​
XS
SM
MD
LG