Расейскае сяло Аймякон — самае халоднае месца на планеце. Цяпер, калі у Сыбір зноў надышлі моцныя маразы, фатограф Радыё Свабода Амос Чапл перагледзеў свае фатаздымкі, зробленыя ў 2012 годзе. Многія публікуюцца ўпершыню.
Фота самага халоднага месца на плянэце
1
Якуцк з насельніцтвам у 270 тысяч чалавек мае свой тытул: гэта самы халодны горад на плянэце
2
Сяло Аймякон ацяпляецца вугалем. Тытул «Полюс холаду» яно атрымала ў 1933 годзе, калі тэмпература ўпала да −71,2 градусаў Цэльсія. Тады толькі крыху заставалася да −78,5 °C — тэмпэратуры сухога лёду
3
Выгляд з акна савецкага «Ікаруса» падчас двухдзённага падарожжа з Якуцку ў Аймякон
4
У студзені 2018-га тэмпэратура ўпала да –50 градусаў Цэльсія
5
Мясцовы жыхар у Аймяконе на сэкунду спыняецца і пазуе перад камэрай
6
Прыбіральні ў Аймяконе — гэта проста яміны ў зямлі, прыкрытыя такімі драўлянымі паветкамі. З-за вечнай мерзлаты каналізацыю ў паселішчы пракласьці немагчыма
7
Аймякон у перакладзе зь якуцкай азначае «незамярзальная вада». Да гэтага ручаю, што не замярзае ўзімку, сьцягваюцца алені і свойская жывёла
8
Многія жывёлы, уключаючы якуцкага каня (на здымку), здольныя выжываць у гэтым холадзе. Якуцкія коні вядуць зімой паўдзікае існаваньне, раскідаючы сьнег капытамі, каб дабрацца да травы.
9
Сабакі пароды лайка таксама прыстасаваліся да холаду
10
Многім псам вельмі не падабаецца праводзіць ноч на вуліцы
11
Кароваў узімку трымаюць у такіх уцепленых кароўніках
12
Фатограф Амос Чапл за працай. Новазэляндэц Чапл кажа, што зь нязручнасьцяў былі толькі задзірлівыя выпівохі. Але і тое — нячаста
13
Мясцовыя жыхары выходзяць з адзінай у сяле крамы. Краму, паводле фатографа, упрыгожваюць дзіцячыя малюнкі пра шкоду алькаголю: «Відавочна, мясцовая школа паспрабавала прысарамаціць аймяконскіх бацькоў, каб яны менш пілі».
14
Трактар разграбае вугальны пыл, напрацаваны мясцовай ацяпляльнай станцыяй. Станцыя працуе кругласутачна, каб забясьпечваць паселішча гарачай вадой
15
Зьмёрзлыя красоўкі. Чапл кажа, што жыў у мясцовым доме ў адносным камфорце: «Ацяпляльныя трубы каля ложка былі пякельна гарачыя, а сьцяна — ледзяной. Калі заняць слушную пазыцыю паміж імі, то можна было нават нядрэнна выспацца»
16
Пейзаж каля Аймякону. Чапл кажа, што для яго «як для фатографа паездка была выдатнай, а як для чалавека — даволі цяжкай. «Я вельмі паважаю людзей, якія могуць круглы год жыць у такім месцы»
Катэгорыі
- Мультымэдыя
- Відэа
