Былы прэзыдэнт Францыі Нікаля Сарказі затрыманы зранку 20 сакавіка, піша Reuters са спасыкай на прадстаўніка францускай судовай сыстэмы.
Паводле зьвестак Le Monde, Сарказі зьмясьцілі пад варту ў межах расьсьледаваньня аб фінансаваньні ягонай прэзыдэнцкай кампаніі 2007 году лібійскімі ўладамі, адкрытага яшчэ ў 2013 годзе.
У 2011 годзе сын былога кіраўніка Лібіі Муамара Кадафі заяўляў, што ягоны бацька даў на перадвыбарчую кампанію Сарказі больш як 50 млн эўра, затым былі апублікаваныя дакумэнты аб сувязях Кадафі і Сарказі — апошні назваў іх фальшывымі.
Зранку 20 сакавіка Сарказі прыйшоў на допыт па гэтай справе ў паліцыю горада Нантэр. Цяпер праваахоўнікі маюць 48 гадзінаў, каб вызначыцца з далейшай мерай стрыманьня.
