Цягам вечара 10 жніўня і ночы на 11 жніўня ў шэрагу гарадоў Беларусі працягнуліся масавыя пратэсты супраць фальсыфікацыі прэзыдэнцкіх выбараў.
Найбольш паведамлялі пра пратэсты і затрыманьні ў Менску. Два асноўныя цэнтры пратэсту ўтварыліся каля каля гандлёвага цэнтру «Рыга», і між станцыямі мэтро «Спартыўная» і «Пушкінская». Пра затрыманьні паведамлялі таксама ў цэнтры гораду, у Каменнай горцы, Уруччы і Маяку Менску.
Супраць дэманстрантаў ужывалі дручкі, сьвятлашумавыя гранаты, вадамёты, гумовыя кулі. Выбухі было чуваць у розных частках гораду.
Адзін пратэстовец загінуў.
