«Саюз беларускіх пісьменьнікаў уключаны ў пералік творчых саюзаў Беларусі. На Нацыянальным прававым партале Рэспублікі Беларусь pravo.by была апублікавана адпаведная пастанова Міністэрства культуры», — паведамляе прэсавая служба грамадзкага абʼяднаньня «Саюз беларускіх пісьменьнікаў».
19 лютага Міністэрства апублікавала сьпіс «недармаедзкіх» творчых саюзаў, дзе «Саюзу беларускіх пісьменьнікаў» не было. Але ў выніку патрабаваньня з боку творчага саюзу Міністэрства культуры зьмяніла сваю пазыцыю.
