Каля Менскага трактарнага заводу ўсталююць помнік Леніну, які раней стаяў у заводзкім двары.
З просьбай паставіць помнік за тэрыторыяй заводу зьвярнуліся да кіраўніцтва МТЗ «вэтэраны і камуністы».
Пра гэта сказаў парталу tut.by намесьнік гендырэктара МТЗ па ідэалёгіі, кадрах і сацразьвіцьці Андрэй Сусьленка.
«Нам казалі, што хутка сьвята, але няма куды кветкі адносіць. Пасьля абмеркаваньня мы вырашылі ўсталяваць помнік на першапачатковым месцы. Цяпер любы грамадзянін можа яго ўбачыць, а ня толькі рабочыя».
Помнік Леніну каля МТЗ будзе адкрыты 7 лістапада падчас сьвята, арганізаванага заводам.
