“У грамадзкім жыцьці для мяне ўсё было перадвызначана ў канцы году, калі мяне абралі намесьнікам старшыні партыі БНФ, адказным за масавыя кампаніі і працу з грамадзкімі групамі.
Мяркую, наступны год будзе падобны да мінулага ў сэнсе скачкоў і грымасаў палітыкі. Уладу будзе трэсьці. То яна будзе спрабаваць ісьці на нейкія лібэральныя крокі, то закручваць гайкі, то выпрошваць крэдыты на Захадзе, ў Расеі. Карацей, будзе год нестабільнасьці.
А ў сьвеце — амэрыканцы будуць працягваць вайну з рознымі тэрарыстамі, а эўрапейцы даваць грошы сваім суседзям, каб неяк іх цывілізаваць. Што да Расеі — там плян захаваньня ўлады Пуціна застаецца: гэта будуць рабіць, сярод іншага, праз павышэньне коштаў на энэрганосьбіты”.
