У першым інтэрвію на волі для “Свабоды” Аляксандар Цацура паведаміў, што адбываў пакараньне ў адной камэры з намесьнікам старшыні партыі БНФ Віктарам Івашкевічам. Той трымаецца бадзёра, кажа Аляксандар Цацура:
“Я злосны і поўны рашучасьці працаваць. Напісаў там артыкул “Міліцэйская сваволя”. Забралі сшытак, заявілі: “Тут пра нас напісана”. Я кажу: “Дык у галаве ж застаецца”. Нават вершы тут склаў, хоць раней не спрабаваў. Пачытаў хлопцам — усе хвалілі”.
Нагадаю, што ў турме на Акрэсьціна, акрамя Віктара Івашкевіча, утрымліваюцца лідэры прадпрымальнікаў Віктар Гарбачоў, Віктар Крываль і грамадзкі актывіст Мікалай Сяргіенка.
