Аляксандар Казулін прыехаў на машыне амаль да самых варотаў ЦВК па тэрыторыі, дзе працягваецца рэканструкцыя плошчы Незалежнасьці, што выклікала вялікае зьдзіўленьне і непакой ахоўнікаў Дома ўраду.
Спадара Казуліна суправаджалі кіраўнік ягонага перадвыбарчага штабу Мечыслаў Грыб, старшыня Саюза беларускіх пісьменьнікаў Алесь Пашкевіч, кіраўнік беларускага ПЭН-цэнтру Уладзімер Някляеў. Пры гэтым спадар Пашкевіч сваю прысутнасьць, відаць, жартам патлумачыў:
(Пашкевіч: )“Пішам раман”.
Аляксандар Казулін запярэчыў, што ягоны ўдзел у выбарах шкодзіць адзінству апазыцыйных сілаў:
(Казулін: ) “Нашая апазыцыя як ня ўмела працаваць, так і ня ўмее, і калі яна за 11 гадоў не змагла аб’яднацца, то пра якое расьцягваньне дэмакратычных сілаў можна казаць. Спачатку трэба навучыцца працаваць, навучыцца перамагаць, а потым рабіць заявы”.
Пра сябе і сваю каманду спадар Казулін сказаў, што яны “вучацца перамагаць”.
Ён зазначыў, што імкнецца быць ня супраць і А. Лукашэнкі і апазыцыі, што ён прапаноўвае іншы шлях, прызнаючы, што дзейны кіраўнік краіны шмат зрабіў, але цяпер у ягоных дзеяньнях пераважае нэгатыў, што ён цягне краіну назад “з путамі і гірамі”.
(Казулін: ) “Нашая пазыцыя ўстойлівая. Мы ідзем каб ствараць, а не разбураць. Мы зьяўляемся іншай сілай, не сілай адмаўленьня і разбурэньня. І ў гэтым наша перавага”.
Аляксандар Казулін нядаўна наведаў Маскву і са сваіх размоваў там зразумеў, што Расея не зацікаўленая, каб у Беларусь быў нейкі крызыс і дэстабілізацыя, як у некаторых іншых краінах СНД. І сам спадар Казулін супраць гвалтоўных пераменаў у краіне, хаця прызнае вулічную дэмакратыю:
(Казулін: ) “Але я супраць плянаў, калі можа быць узброенае сутыкненьне, калі можа пралівацца чалавечая кроў. Я катэгарычна супраць гвалту і крыві. Хопіць беларускім сынам і дочкам гэтай крывёю абмываць сваю ўласную зямлю”.
Тлумачачы прысутнасьць у сваіх шэрагах літаратараў Алеся Пашкевіча і Ўладзімера Някляева, спадар Казулін зазначыў, што рухацца ў будучыню і перамагаць можна толькі на базе духоўных каштоўнасьцяў і з агнём у сэрцы.
(Казулін: ) “За Казуліным пойдзе большасьць насельніцтва”.
Спадара Казуліна суправаджалі кіраўнік ягонага перадвыбарчага штабу Мечыслаў Грыб, старшыня Саюза беларускіх пісьменьнікаў Алесь Пашкевіч, кіраўнік беларускага ПЭН-цэнтру Уладзімер Някляеў. Пры гэтым спадар Пашкевіч сваю прысутнасьць, відаць, жартам патлумачыў:
(Пашкевіч: )“Пішам раман”.
Аляксандар Казулін запярэчыў, што ягоны ўдзел у выбарах шкодзіць адзінству апазыцыйных сілаў:
(Казулін: ) “Нашая апазыцыя як ня ўмела працаваць, так і ня ўмее, і калі яна за 11 гадоў не змагла аб’яднацца, то пра якое расьцягваньне дэмакратычных сілаў можна казаць. Спачатку трэба навучыцца працаваць, навучыцца перамагаць, а потым рабіць заявы”.
Пра сябе і сваю каманду спадар Казулін сказаў, што яны “вучацца перамагаць”.
Ён зазначыў, што імкнецца быць ня супраць і А. Лукашэнкі і апазыцыі, што ён прапаноўвае іншы шлях, прызнаючы, што дзейны кіраўнік краіны шмат зрабіў, але цяпер у ягоных дзеяньнях пераважае нэгатыў, што ён цягне краіну назад “з путамі і гірамі”.
(Казулін: ) “Нашая пазыцыя ўстойлівая. Мы ідзем каб ствараць, а не разбураць. Мы зьяўляемся іншай сілай, не сілай адмаўленьня і разбурэньня. І ў гэтым наша перавага”.
Аляксандар Казулін нядаўна наведаў Маскву і са сваіх размоваў там зразумеў, што Расея не зацікаўленая, каб у Беларусь быў нейкі крызыс і дэстабілізацыя, як у некаторых іншых краінах СНД. І сам спадар Казулін супраць гвалтоўных пераменаў у краіне, хаця прызнае вулічную дэмакратыю:
(Казулін: ) “Але я супраць плянаў, калі можа быць узброенае сутыкненьне, калі можа пралівацца чалавечая кроў. Я катэгарычна супраць гвалту і крыві. Хопіць беларускім сынам і дочкам гэтай крывёю абмываць сваю ўласную зямлю”.
Тлумачачы прысутнасьць у сваіх шэрагах літаратараў Алеся Пашкевіча і Ўладзімера Някляева, спадар Казулін зазначыў, што рухацца ў будучыню і перамагаць можна толькі на базе духоўных каштоўнасьцяў і з агнём у сэрцы.
(Казулін: ) “За Казуліным пойдзе большасьць насельніцтва”.
