БАГДАД. На захадзе Іраку – ля мяжы з Сырыяй – амэрыканскія й ірацкія войскі распачалі буйнамаштабную антытэрарыстычную апэрацыю “Сталёвая завеса” з мэтаю зьнішчыць базы ваеўнікоў Аль-Кайды й перакрыць доступ ваеўнікоў з Сырыі. У апэрацыі бяруць удзел 2,5 тыс. амэрыканцаў і каля тысячы іракцаў.
Таксама сёньня ваеўнікі Аль-Кайды абвясьцілі пра забойства 15 ірацкіх вайскоўцаў, захопленых два дні таму на захад ад Багдаду.