БАКУ. Прэзыдэнт Азэрбайджану Ільхам Аліеў заявіў сёньня, што арышты двух міністраў дапамаглі пазьбегчы грамадзянскай вайны ў гэтай краіне. Міністар аховы здароўя Алі Ансанаў і міністар эканомікі Фархад Аліеў былі звольненыя са сваіх пасадаў у кастрычніку. Іх зьвінавацілі ў падтрымцы лідэра апазыцыі Расула Гуліева. Прэзыдэнт Аліеў заявіў на паседжаньні ўраду, што абодва міністры фінансавалі спробу дзяржаўнага перавароту.