МАСКВА: Дэлегацыя Рады Эўропы накіравалася сёньня ў Чачэнію. Дэлегацыю ўзначаліў прадстаўнік місіі Рады Эўропы ў Маскве Марка Франка. У яе склад ўвайшлі таксама амбасадары Вялікай Брытаніі і Аўстрыі. Паводле расейскіх мэдыяў, прадстаўнікі Рады Эўропы хочуць азнаёміцца з сытуацыяй ў гэтай рэспубліцы перад прызначанымі на 27 лістапада парлямэнцкімі выбарамі. Яны таксама наведаюць Паўдзённую Асэцію і Інгушэцію.