БЭРЛІН: Лідэр нямецкіх кансэрватараў Ангэля Мэркэль пацьвердзіла, што яна ўзначаліць вялікую кіруючую кааліцыю і, што яна стане канцлерам ФРГ. Перамовы паміж хрысьціянскімі дэмакратамі Мэркэль і сацыял-дэмакратамі канцлера Шрэдэра маюць закончыцца да 12 лістапада. На прэс-канфэрэнцыі Ангэля Мэркэль выказала спадзяваньне, што дзьве найбуйнейшыя партыі ўзгодняць паміж сабою замежную палітыку. Яна заявіла, што ўсталяваньне добрых адносінаў са Злучанымі Штатамі будзе для новай кааліцыі прыярытэтным заданьнем.