НОВЫ АРЛЕАН. Мэр гораду Рэй Нэйджын спыніў вяртаньне жыхароў у горад, пацярпелы ад урагану “Катрына”. Да ўзьбярэжжа Мэксыканскай затокі й да Кубы блізіцца новы ўраган, “Рыта”, які можа абрушыцца напрыканцы тыдня. Сп. Нэйджын цьвердзіць, што новы ўраган будзе моцны. Мэр просіць усіх пакінуць горад. Паводле апошніх зьвесткаў, колькасьць ахвяраў “Катрыны” сягнула 973 чалавек. Мэр Новага Арлеану зьбіраўся урачыста адкрыць горад на гэтым тыдні.