МАНЧЭСТЭР. ВЯЛІКАЯ БРЫТАНІЯ. Міністры фінансаў краінаў Эўрапейскага Зьвязу абмеркавалі сёньня ў Манчэстэры сытуацыю на ўсясьветным рынку нафты. Міністры адзначылі, што цяперашні імклівы рост цэнаў на нафту пагражае эканамічнаму росту ў Эўропе і іншых рэгіёнах сьвету. Удзельнікі нарады заклікалі ЗША абмежаваць спажываньне нафты, а нафтаздабываючыя краіны – забясьпечыць усясьветны рынак палівам ў колькасьці, адпаведнай узроўню попыту на яго.