НЬЮ-ЁРК. Прэзэнтаваны новы глябальны даклад ААН у справе беднасьці. Калі б багатыя краіны падвоілі сваю дапамогу бедным цягам бліжэйшых 10 год, то 500 млн. чалавек выбавіліся б зь нястачы, 250 млн. чалавек перасталі б галадаць і 30 млн. дзяцей былі б уратаваныя ад сьмерці. У дакладзе, які рабілі 265 экспэртаў, гаворыцца, што неабходныя зьмена правілаў міжнароднага гандлю, разьвіцьцё інфраструктураў у бедных краінах, а таксама фінансаваньне даступных схемаў скарачэньня беднасьці.