Беларускае тэлебачаньне паказвае, як галасаваць “за” на рэфэрэндуме, а таксама іншыя варыянты, якія робяць бюлетэнь несапраўдным

Працытаваўшы прапанаванае Аляксандрам Лукашэнкам пытаньне, голас намесьніка дырэктара АТН Юрыя Гроерава кажа:

(Гроераў: ) “Пастаўце любы знак у квадраце пад словам “за”. Бюлетэнь, у якім знак пастаўлены ў двух квадратах, прызнаецца несапраўдным. Бюлетэнь, у якім знак не прастаўлены ні ў адным з квадратаў, таксама прызнаецца несапраўдным”.

На гэтым ролік заканчваецца. Як галасаваць “супраць”, БТ не паказвае ды ўвогуле ня згадвае гэтай законнай магчымасьці. Нават у самім тэксьце бюлетэня, што дэманструецца на экране, падаецца інструкцыя галасаваць “за”.