СТАМБУЛ. Прэзыдэнт ЗША Джордж Буш прыбыў у Стамбул, дзе ў панядзелак адкрываецца саміт НАТО. Амэрыканскага прэзыдэнта сустрэла масавая маніфэстацыя пратэсту, у якой, паводле некаторых ацэнак, узялі ўдзел да 40 тысяч чалаваек. Буш прыляцеў у Стамбул з Анкары, дзе ён правёў перамовы з прэзыдэнтам і прэм’ер-міністрам Турэччыны – Ахмэтам Нечдэтам Сэзэрам і Рэджэпам Эрдаганам. Буш назваў Турэччыну прыкладам сьвецкай мусульманскай дэмакратычнай дзяржавы і выказаў падтрымку яе імкненьню ўступіць у Эўрапейскі Зьвяз.