Прадстаўляючы Аляксандра Мілінкевіча ў часе цырымоніі, яго назвалі "лідэрам дэмакратычных сілаў, які змагаецца з апошняй дыктатурай Эўропы".
Выступаючы перад дэпутатамі Эўрапарлямэнту, Аляксандар Мілінкевіч падкрэсьліў, што "гэта прэмія й Аляксандра Казуліна , таксама як і Зьмітра Дашкевіча, і Паўла Севярынца, і Міколы Статкевіча, і Андрэя Клімава ды ўсіх іншых палітзняволеных у маёй краіне. Гэта прэмія – знак неабыякавасьці Эўропы да сытуацыі ў Беларусі. Гэта прэмія – прыклад маральнай палітыкі. Гэта прэмія – сымбаль прызнаньня эўрапейскай будучыні Беларусі".
"Калі свабоду трэба заслужыць – мы яе заслужылі. Усёй сваёй гісторыяй і ахвярамі, прынесенымі дзеля яе”, – сказаў, зьвяртаючыся да дэпутатаў Эўрапарлямэнту Аляксандар Мілінкевіч. У сваім выступе ён таксама зьвярнуўся да сакавіцкіх падзеяў у Менску: "Рэжым завёў Беларусь у гістарычны тупік. І нашыя акцыі на плошчы былі адчайнай спробай вывесьці Беларусь з гэтага тупіка. Мы выйшлі не за кавалкам хлеба, а за маральныя каштоўнасьці – свабоду і праўду. Калі б вы здолелі быць з намі, вы б адчулі захапленьне і натхненьне, пачуцьце свабоды і адсутнасць страху. Таксама як боль і адчай, пасьля таго, як плошча позьняй ноччу стала пустой. Зьмерзлых і стомленых маладых людзей тады проста закінулі ў грузавікі й адвезлі ў турму", – сказаў Аляксандар Мілінкевіч.
Прэмія імя Сахарава “За свабоду думкі” заснаваная Эўрапарлямэнтам у 1998 годзе й прысуджаецца штогод за “дасягненьні ў справе абароны правоў чалавека ды яго асноўных свабодаў, а таксама за павагу да міжнароднага заканадаўства й разьвіцьцё дэмакратыі”. Намінантаў вылучаюць дэпутацкія фракцыі Эўрапарлямэнту альбо група дэпутатаў. Вылучэньне кандыдатуры Мілінкевіча падтрымала набуйная фракцыя Эўрапарлямэнту “Эўрапейская народная партыя – эўрапейскія дэмакраты”.
Відэаанонс сёлетняй Сахараўскай прэміі:
Выступаючы перад дэпутатамі Эўрапарлямэнту, Аляксандар Мілінкевіч падкрэсьліў, што "гэта прэмія й Аляксандра Казуліна , таксама як і Зьмітра Дашкевіча, і Паўла Севярынца, і Міколы Статкевіча, і Андрэя Клімава ды ўсіх іншых палітзняволеных у маёй краіне. Гэта прэмія – знак неабыякавасьці Эўропы да сытуацыі ў Беларусі. Гэта прэмія – прыклад маральнай палітыкі. Гэта прэмія – сымбаль прызнаньня эўрапейскай будучыні Беларусі".
"Калі свабоду трэба заслужыць – мы яе заслужылі. Усёй сваёй гісторыяй і ахвярамі, прынесенымі дзеля яе”, – сказаў, зьвяртаючыся да дэпутатаў Эўрапарлямэнту Аляксандар Мілінкевіч. У сваім выступе ён таксама зьвярнуўся да сакавіцкіх падзеяў у Менску: "Рэжым завёў Беларусь у гістарычны тупік. І нашыя акцыі на плошчы былі адчайнай спробай вывесьці Беларусь з гэтага тупіка. Мы выйшлі не за кавалкам хлеба, а за маральныя каштоўнасьці – свабоду і праўду. Калі б вы здолелі быць з намі, вы б адчулі захапленьне і натхненьне, пачуцьце свабоды і адсутнасць страху. Таксама як боль і адчай, пасьля таго, як плошча позьняй ноччу стала пустой. Зьмерзлых і стомленых маладых людзей тады проста закінулі ў грузавікі й адвезлі ў турму", – сказаў Аляксандар Мілінкевіч.
Прэмія імя Сахарава “За свабоду думкі” заснаваная Эўрапарлямэнтам у 1998 годзе й прысуджаецца штогод за “дасягненьні ў справе абароны правоў чалавека ды яго асноўных свабодаў, а таксама за павагу да міжнароднага заканадаўства й разьвіцьцё дэмакратыі”. Намінантаў вылучаюць дэпутацкія фракцыі Эўрапарлямэнту альбо група дэпутатаў. Вылучэньне кандыдатуры Мілінкевіча падтрымала набуйная фракцыя Эўрапарлямэнту “Эўрапейская народная партыя – эўрапейскія дэмакраты”.
Відэаанонс сёлетняй Сахараўскай прэміі:
