Канчатковыя высновы наконт спэцыфічнага, так бы мовіць, палітычна-геаграфічнага дзяленьня Беларусі можна будзе зрабіць толькі пасьля падсумаваньня вынікаў выбараў. Але сёньня – пасьля размоваў з прадстаўнікамі розных ініцыятыўных групаў – можна канстатаваць: такога выразнага падзелу не існуе. Прыкладам, у штабах Гайдукевіча, Казуліна, Мілінкевіча, Фралова гавораць, што збор подпісаў ідзе раўнамерна па ўсёй краіне. А выключэньнем выступае толькі сталіца, дзе, зразумела, колькасьць падпісантаў найбольшая. Вось меркаваньні на гэты конт патэнцыйнага кандыдата на прэзыдэнта Сяргея Гайдукевіча і кіраўніка выбарчага штабу Аляксандра Мілінкевіча Сяргея Калякіна:
(Гайдукевіч: ) "У прынцыпе, збор подпісаў ідзе так: што ў Берасьцейскай, што ў Гомельскай, што ў Магілёўскай абласьцях – розьніцы практычна ніякай".
(Калякін: ) "Прынцыповай розьніцы ніякай няма. Няма такога яўнага прыярытэту".
Усе ініцыятыўныя групы, акрамя Сяргея Скрабца, нават пры адносна раўнамерным зборы подпісаў большыя посьпехі маюць у Менску. А вось у прыхільнікаў арыштаванага экс-дэпутата сталіца толькі на чацьвертым месцы, гаворыць кіраўнік ініцыятыўнай групы Сяргей Галаганюк:
(Галаганюк: ) "У нас самыя ўдарныя рэгіёны гэта: Гарадзенская вобласьць (перадусім Ліда), потым ідуць Магілеў, Менск, Гомель..."
Сяргей Скрабец балятаваўся ў дэпутаты Палаты прадстаўнікоў мінулага скліканьня менавіта ў Лідзе, дзе ён рос і дзе добра ведаюць яго сям’ю. Таму тут у Скрабца такая папулярнасьць. Па-другое, ягоная ініцыятыўная група складаецца ўсяго з паўтары сотні чалавек. А, згодна з законам, зьбіраць подпісы могуць толькі сябры групы. Зразумела, што добра папрацаваць у сталіцы ім проста не хапае фізычных сілаў.
(Гайдукевіч: ) "У прынцыпе, збор подпісаў ідзе так: што ў Берасьцейскай, што ў Гомельскай, што ў Магілёўскай абласьцях – розьніцы практычна ніякай".
(Калякін: ) "Прынцыповай розьніцы ніякай няма. Няма такога яўнага прыярытэту".
Усе ініцыятыўныя групы, акрамя Сяргея Скрабца, нават пры адносна раўнамерным зборы подпісаў большыя посьпехі маюць у Менску. А вось у прыхільнікаў арыштаванага экс-дэпутата сталіца толькі на чацьвертым месцы, гаворыць кіраўнік ініцыятыўнай групы Сяргей Галаганюк:
(Галаганюк: ) "У нас самыя ўдарныя рэгіёны гэта: Гарадзенская вобласьць (перадусім Ліда), потым ідуць Магілеў, Менск, Гомель..."
Сяргей Скрабец балятаваўся ў дэпутаты Палаты прадстаўнікоў мінулага скліканьня менавіта ў Лідзе, дзе ён рос і дзе добра ведаюць яго сям’ю. Таму тут у Скрабца такая папулярнасьць. Па-другое, ягоная ініцыятыўная група складаецца ўсяго з паўтары сотні чалавек. А, згодна з законам, зьбіраць подпісы могуць толькі сябры групы. Зразумела, што добра папрацаваць у сталіцы ім проста не хапае фізычных сілаў.
