Антыкамуністычны форум пройдзе на сядзібе Партыі БНФ
У грамадзянскім форуме “Ў будучыню — без камунізму” возьмуць удзел навукоўцы, асобы, пацярпелыя ад рэпрэсіяў камуністычнага рэжыму, палітыкі, грамадзкія дзеячы, прадстаўнікі духавенства, а таксама замежныя госьці, паведаміў Радыё Свабода адзін з арганізатараў акцыі, намесьнік старшыні Партыі БНФ Алесь Міхалевіч.
Ён, аднак, шкадуе, што колькасьць удзельнікаў антыкамуністычнага форуму давядзецца абмежаваць і тлумачыць, чаму так атрымалася:
“Мы плянавалі дастаткова вялікае мерапрыемства. Але нам адмовілі ў памяшканьні Палацу культуры МАЗу, дзе мы зьбіраліся праводзіць свой форум. Таму ён пройдзе на сядзібе Партыі БНФ, дзе мы дэ-факта абмежаваныя толькі сотняй людзей. Бо больш гэтае памяшканьне ня вытрымае.
Але будуць вельмі цікавыя выступоўцы. Прыедуць замежныя госьці з Украіны ды Расеі. Карацей, сапраўды цікава будзе”.
Камуністы зьбяруцца ў гатэлі “Беларусь”
А вось арганізатары камуністычнага форуму з Камуністычнай партыі Беларусі, якую ачольвае дэпутатка Палаты прадстаўнікоў Тацяна Голубева, зь месцам правядзеньня акцыі праблемы ня маюць.
Дэлегацыі камуністычных і рабочых партыяў 83 краінаў сьвету будуць працаваць у канфэрэнц-залі гатэлю “Беларусь”. У гэтым гатэлі яны будуць і жыць.
Цікаўлюся ў сакратара ЦК КПБ Георгія Атаманава, дзе партыя ўзяла грошы, каб аплаціць выдаткі:
“Хлопцы, ну няма ў нас забесьпячэньня з Захаду. Вы ўжо паверце нам на слова. Мы скарысталі частку партыйных унёскаў, паколькі яшчэ зь лютага ведалі, што гэты форум будзе ў Менску.
Усе дэлегацыі прылятаюць коштам сваіх уласных сродкаў. А тут мы ім аплацім гэтыя тры дні. А 5 лістапада яны ўсе ад’яжджаюць у Расею”.
Чаму камуністы абралі менавіта Менск і Маскву?
Міжнародная сустрэча, якая прысьвячаецца 90-й гадавіне кастрычніцкай рэвалюцыі, падзяляецца на дзьве часткі — менскую і маскоўскую.
Арганізацыю форуму ў Менску Георгі Атаманаў тлумачыць гістарычнымі падзеямі, паколькі менавіта тут праходзіў першы зьезд Расейскай сацыял-дэмакратычнай рабочай партыі.
Арганізатары антыкамуністычнага форуму лічаць, што гісторыя — гэта толькі падстава.
“Камуністы ўсяго сьвету выбралі Беларусь для правядзеньня свайго мерапрыемства, паколькі ў нашай краіне злачынствы камунізму дагэтуль не асуджаныя”, — адзначаецца ў афіцыйным паведамленьні пра правядзеньне форуму “Ў будучыню — без камунізму”.
А.Скрыган: “Удзельнічаць у гэтым мерапрыемстве мы ня будзем”
У Беларусі, як вядома, дзьве камуністычныя партыі: КПБ, якая займае праўладную пазыцыю, і ПКБ, якая ўваходзіць у склад аб’яднаных дэмакратычных сілаў.
Цікаўлюся, у сакратара ЦК ПКБ Алены Скрыган: ці запрошаныя на камуністычны форум апазыцыйныя камуністы?
“Наша становішча вызначана тым, што дзейнасьць партыі прыпыненая на паўгоду. І таму ніякага афіцыйнага запрашэньня мы атрымаць не маглі. Удзельнічаць у гэтым мерапрыемстве мы ня будзем”.
“У сёньняшнім сьвеце камуніст і дыктатура — рэчы несумяшчальныя”, 2.10.2007 У Менск зьедуцца галоўныя камуністы плянэты, 6.09.2007 Міхась Чарняўскі: Іх аб’ядноўваў антыкамунізм, 20.05.2007
У грамадзянскім форуме “Ў будучыню — без камунізму” возьмуць удзел навукоўцы, асобы, пацярпелыя ад рэпрэсіяў камуністычнага рэжыму, палітыкі, грамадзкія дзеячы, прадстаўнікі духавенства, а таксама замежныя госьці, паведаміў Радыё Свабода адзін з арганізатараў акцыі, намесьнік старшыні Партыі БНФ Алесь Міхалевіч.
Ён, аднак, шкадуе, што колькасьць удзельнікаў антыкамуністычнага форуму давядзецца абмежаваць і тлумачыць, чаму так атрымалася:
“Мы плянавалі дастаткова вялікае мерапрыемства. Але нам адмовілі ў памяшканьні Палацу культуры МАЗу, дзе мы зьбіраліся праводзіць свой форум. Таму ён пройдзе на сядзібе Партыі БНФ, дзе мы дэ-факта абмежаваныя толькі сотняй людзей. Бо больш гэтае памяшканьне ня вытрымае.
Але будуць вельмі цікавыя выступоўцы. Прыедуць замежныя госьці з Украіны ды Расеі. Карацей, сапраўды цікава будзе”.
Камуністы зьбяруцца ў гатэлі “Беларусь”
А вось арганізатары камуністычнага форуму з Камуністычнай партыі Беларусі, якую ачольвае дэпутатка Палаты прадстаўнікоў Тацяна Голубева, зь месцам правядзеньня акцыі праблемы ня маюць.
Дэлегацыі камуністычных і рабочых партыяў 83 краінаў сьвету будуць працаваць у канфэрэнц-залі гатэлю “Беларусь”. У гэтым гатэлі яны будуць і жыць.
Цікаўлюся ў сакратара ЦК КПБ Георгія Атаманава, дзе партыя ўзяла грошы, каб аплаціць выдаткі:
“Хлопцы, ну няма ў нас забесьпячэньня з Захаду. Вы ўжо паверце нам на слова. Мы скарысталі частку партыйных унёскаў, паколькі яшчэ зь лютага ведалі, што гэты форум будзе ў Менску.
Усе дэлегацыі прылятаюць коштам сваіх уласных сродкаў. А тут мы ім аплацім гэтыя тры дні. А 5 лістапада яны ўсе ад’яжджаюць у Расею”.
Чаму камуністы абралі менавіта Менск і Маскву?
Міжнародная сустрэча, якая прысьвячаецца 90-й гадавіне кастрычніцкай рэвалюцыі, падзяляецца на дзьве часткі — менскую і маскоўскую.
Арганізацыю форуму ў Менску Георгі Атаманаў тлумачыць гістарычнымі падзеямі, паколькі менавіта тут праходзіў першы зьезд Расейскай сацыял-дэмакратычнай рабочай партыі.
Арганізатары антыкамуністычнага форуму лічаць, што гісторыя — гэта толькі падстава.
“Камуністы ўсяго сьвету выбралі Беларусь для правядзеньня свайго мерапрыемства, паколькі ў нашай краіне злачынствы камунізму дагэтуль не асуджаныя”, — адзначаецца ў афіцыйным паведамленьні пра правядзеньне форуму “Ў будучыню — без камунізму”.
А.Скрыган: “Удзельнічаць у гэтым мерапрыемстве мы ня будзем”
У Беларусі, як вядома, дзьве камуністычныя партыі: КПБ, якая займае праўладную пазыцыю, і ПКБ, якая ўваходзіць у склад аб’яднаных дэмакратычных сілаў.
Цікаўлюся, у сакратара ЦК ПКБ Алены Скрыган: ці запрошаныя на камуністычны форум апазыцыйныя камуністы?
“Наша становішча вызначана тым, што дзейнасьць партыі прыпыненая на паўгоду. І таму ніякага афіцыйнага запрашэньня мы атрымаць не маглі. Удзельнічаць у гэтым мерапрыемстве мы ня будзем”.
“У сёньняшнім сьвеце камуніст і дыктатура — рэчы несумяшчальныя”, 2.10.2007 У Менск зьедуцца галоўныя камуністы плянэты, 6.09.2007 Міхась Чарняўскі: Іх аб’ядноўваў антыкамунізм, 20.05.2007
