За «экстрэмізм» асудзілі супрацоўніка торфапрадпрыемства
22 сьнежня на сайце афіцыйнай газэты «Беларусь сегодня» выйшаў артыкул, прысьвечаны торфапрадпрыемству «Дняпроўскае» Быхаўскага раёну. У публікацыі слова далі некаторым кіраўнікам прадпрыемства, у тым ліку начальніку плянава‑эканамічнага сэктару Канстанціну Дземянкову.
Ён прапрацаваў на прадпрыемстве больш за 20 гадоў і расказваў пра апошнія пераўтварэньні на ім.
Як паведамляе @vitebsk_info, 31 сьнежня Канстанціна судзілі ў судзе Быхаўскага раёну паводле ч. 2 арт. 19.11 КаАП («Распаўсюд экстрэмізму»). Справу разглядала Кацярына Маршалава.
