Ужо сёньня: гадавіна Кастрычніцкага перавароту ў Расеі

Дата дня

7 лістапада 1917 году ў Расеі пачаўся бальшавіцкі пераварот, які ўвайшоў у гісторыю як Кастрычніцкі.

У 1995 годзе Аляксандар Лукашэнка вярнуў дзень бальшавіцкага перавароту ў лік афіцыйных сьвятаў Беларусі. Колькасьць ахвяраў савецкага камунізму ацэньваюць у 60 мільёнаў чалавек.

Таксама ў гэты дзень

1925 — выйшаў першы нумар беларускай газэты «Акцябр». Яна выходзіла на ідыш штодня да самага пачатку Вялікай айчыннай вайны.

1967 — ААН прыняла Дэклярацыю супраць дыскрымінацыі жанчын.

1990 — у Менску прайшоў шматтысячны антыкамуністычны мітынг на плошчы Леніна.

2000 — Джорджа Буша-малодшага абралі прэзыдэнтам ЗША.

2004 — пачала трансьляцыі Беларуская служба «Радыё Швэцыя».

2020 — адкрылася для пасажыраў трэцяя лінія Менскага метрапалітэну.

У гэты дзень нарадзіліся

1790 — Караль Падчашынскі, беларускі архітэктар, аўтар рэканструкцыі касьцёла Сьвятых Янаў у Вільні, праектаў палацаў у Яшунах, Тускуленах, Жылічах, будынкаў гімназій у Слуцку, Камянцы Падольскім і Сьвіслачы, вучэльняў у Бабруйску, Невелі, Мазыры і іншых.

​1896 — Міхась Чарот, беларускі пісьменьнік. Быў адным з кіраўнікоў Беларускай камуністычнай арганізацыі ў часе польскай акупацыі. Чарота расстралялі ў ноч з 29 на 30 кастрычніка 1937 году.

1897 — Міхась Каршук, беларускі краязнавец, асьветнік у БССР.

1918 — Канстанцін Дамарад, беларускі гісторык.

1923 — Аляксандар Дракахруст, беларускі паэт, перакладчык і мэмуарыст, удзельнік Другой сусьветнай вайны.

1953 — Уладзімер Голуб, віленскі беларускі мастак.

1961 — Сяргей Алейнікаў, беларускі футбаліст.

1966 — Піт Паўлаў, беларускі музыка, удзельнік гуртоў N.R.M., Pete-Paff, GARADzKIJA, PAPARAĆ, Pit Pawlaw.

У памяці

1579 — Каспар Бекеш, дзяржаўны дзяяч ВКЛ, сябра і паплечнік Стафана Баторыя.

1942 — Алесь Дубровіч, заходнебеларускі паэт і актывіст, быў расстраляны нацыстамі ў Глыбокім.

1943 — менскі падпольшчык Мікалай Кедышка трапіў у засаду нацыстаў і застрэліўся апошнім патронам.

1948 — Хведар Ільляшэвіч, беларускі паэт, журналіст і гісторык, загінуў у аўтакатастрофе.

1975 — Ісак Любан, беларускі савецкі кампазытар.

1980 — Леў Акіншэвіч, беларускі гісторык.

1992 — загінуў у авіякатастрофе адзін з ідэолягаў «Праскай вясны», першы сакратар ЦК камуністычнай партыі Чэхаславаччыны Аляксандар Дубчак. У жніўні 1968 году Дубчака затрымалі савецкія вайскоўцы і прымусова даставілі ў Маскву. У 1989 годзе яго абралі старшынём Фэдэральнага сходу Чэхаславаччыны.

2022 — Міхась Тычына, беларускі літаратуразнавец і крытык, аўтар манаграфіяў, эсэ, нарысаў, аповесьцяў і апавяданьняў.