«Пагадненьне паміж міністэрствамі адукацыі і культуры, якое прадугледжвае бясплатнае наведваньне музэяў у апошнюю сераду кожнага месяца, было заключана 15 верасьня 2022 году. У верасьні сёлета падпісана дадатковае пагадненьне аб падаўжэньні дзеяньня гэтага дакумэнта да 31 сьнежня 2026 году», — паведаміў тэлеграм-канал Міністэрства адукацыі.
Таксама ў паведамленьні сьцьвярджаецца, што наведаць дзяржаўныя музэі бясплатна або па льготнай цане могуць усе ахвотныя.
Згодна з Кодэксам аб культуры кіраўнік кожнага музэю вызначае канкрэтны дзень для такога наведваньня. Інфармацыя разьмяшчаецца на афіцыйных сайтах музэяў.
- У апошняе дзесяцігодзьдзе ў Беларусі ў траўні праводзілася так званая «Ноч музэяў», калі людзі маглі хадзіць у музэі бясплатна. Але ў 2022 годзе беларусы заўважылі, што ў «Ноч музэяў» трэба купляць квіткі.
Форум