Госьця «ПіКу Свабоды» — палітоляг Роза Турарбекава. Яна лічыць, што нечаканасьць і хуткасьць правядзеньня выбараў сьведчыць пра псыхалягічны стан улады. Выбары 2020 году былі для ўлады вельмі траўматычныя, перакананая Турарбекава.
«Гэта і ёсьць прычына таго, чаму да апошняга хавалася дата. Лёгіка ў тым, каб правесьці як мага хутчэй, каб пасьля навагодніх сьвятаў. Агулам яны хочуць правесьці ціхую і хуткую кампанію, безь якіх-небудзь нечаканасьцяў. Магчыма ёсьць і іншыя абставіны: міжнародная рэакцыя, пазыцыя Расеі, сытуацыя на фронце», — кажа палітоляг.
Цалкам размову глядзіце ў відэафармаце на Youtube.
У аўторак амбасадар Расеі ў Менску Барыс Грызлоў заявіў, што Масква дапаможа Лукашэнку ліквідаваць «беспарадкі» на прэзыдэнцкіх выбарах 2025 году. Роза Турарбекава перакананая, што ў інтарэсах Расеі, каб рэжым Лукашэнкі заставаўся ва ўладзе, каб мець саюзьніка ў вайне.
«Расея адкрыта гаворыць пра ўмяшаньне ў выбарчы або палітычны працэс у Беларусі. Гэта адрозьнівае будучую выбарчую кампанію ад папярэдніх. Хаця іншае ўжо ўсё. Мы маем справу са зьмененай дзяржавай. Калі да 2020 году ў Беларусі была аўтакратыя, то цяпер мы бачым аўтакратыю зь некаторымі рысамі таталітарнага ладу. І, адпаведна, зараз іншая падрыхтоўка да выбараў. Яны апякліся на малацэ, таму адсюль, магчыма, і такая лёгіка паводзінаў», — лічыць палітоляг.
«ПіК Свабоды»
«ПіК Свабоды» — гэты штодзённая YouTube-праграма і падкаст, у якой журналісты Свабоды абмяркоўваюць галоўную падзею дня з палітыкамі, грамадзкімі дзеячамі, экспэртамі і аналітыкамі. Вострыя пытаньні і актуальныя камэнтары пра важныя падзеі для Беларусі і беларусаў.
Як глядзець на YouTube
Падпішыцеся на наш YouTube-канал «Свабода Premium», каб не прапусьціць ніводнага выпуску.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
• Наш сайт
• Apple Podcasts
• Spotify
• Soundcloud
• Podcast Republic
Чароўная спасылка — клікнуўшы на яе, вы аўтаматычна трапіце на адну з папулярных плятформаў.
Форум