Тэлеканалы «Формула», «Мтавары архі» і «TV Пірвелі» аштрафавалі на 5 тысяч лары кожны (каля 1700 даляраў). Пратаколы супраць тэлеканалаў склала Нацыянальная камісія камунікацый Грузіі, у якую са скаргай звярнулася «Грузінская мара». Камісія прызнала тэлеканалы парушальнікамі выбарчага кодэкса.
У роліку «Грузінскай мары» паказаны чорна-белыя кадры разбураных у выніку вайны будынкаў і гарадоў ва Ўкраіне з надпісам «Не вайне!». Насупраць гэтых кадраў паказаныя будынкі і іншыя аб’екты ў Грузіі з надпісам «Выберы мір».
Юрыст тэлеканала «Мтавары архі» Тамты Мурадашвілі расказаў, што суд таксама задаволіў хадайніцтва аб неадкладным выкананьні рашэньня першай інстанцыі — каналы абавязаны неадкладна паставіць ролік у эфір, не чакаючы апэляцыі.
Раней тэлеканалы заявілі, што партыя «Грузінская мара» «працягвае спэкуляваць на трагедыі ўкраінскага народа для сваёй палітычнай кампаніі і зараз патрабуе ад тэлеканалаў трансліраваць амаральныя банэры, якія яна вывесіла на вуліцах, на рэкламных шчытах». У заяве таксама гаворыцца, што тэлеканалы «ня маюць намеру, нават ускосна, падтрымліваць расейскую прапаганду „Грузінскай мары“ і здзек з украінскага народа».
Форум