Лінкі ўнівэрсальнага доступу

Усе сайты РС/РСЭ
РАССЫЛКА НАВІНЫ
site logo site logo
Папярэдняя старонка Наступная старонка
Гарачыя навіны!
Напад Расеі на Ўкраіну

«Ня мы да іх прыйшлі». Як украінскія танкісты ваююць на Пакроўскім напрамку. Фотарэпартаж

На Пакроўскім напрамку танкісты 25-й Січеслаўскай брыгады працуюць на танку Т-80 і ўдзень, і ўначы, часта — без абеду і сну. Іх задача — спыняць пастаянныя «мясныя штурмы» пяхоты расейскай арміі.

Як ваююць украінскія танкісты, глядзіце ў фотарэпартажы ўкраінскай службы Радыё Свабода, які падрыхтаваў фотакарэспандэнт Сяргей Нужненка.

«Т-80, мабыць, найлепшы танк, які ёсьць з нашых (айчынных), ён вельмі хуткі, ціха працуе», — кажуць пра сваю машыну вайскоўцы.
1 «Т-80, мабыць, найлепшы танк, які ёсьць з нашых (айчынных), ён вельмі хуткі, ціха працуе», — кажуць пра сваю машыну вайскоўцы.
Антону 23 гады. На вайне ён амаль два гады, да яе працаваў на аграрным прадпрыемстве, цяпер — камандзір танка
2 Антону 23 гады. На вайне ён амаль два гады, да яе працаваў на аграрным прадпрыемстве, цяпер — камандзір танка
Аляксандру 28 гадоў. У часы АТА-ААС з 2016-га  да 2019 году служыў паводле кантракту, зь першых дзён поўнамаштабнага ўварваньня Расеі ва Ўкраіну зноў пайшоў у войска. У мірным жыцьці працаваў на чыгунцы, цяпер — мэханік-кіроўца танка.
3 Аляксандру 28 гадоў. У часы АТА-ААС з 2016-га  да 2019 году служыў паводле кантракту, зь першых дзён поўнамаштабнага ўварваньня Расеі ва Ўкраіну зноў пайшоў у войска. У мірным жыцьці працаваў на чыгунцы, цяпер — мэханік-кіроўца танка.
39-гадовы Мікалай паўтара года ў войску. У мірным жыцьці працаваў на будоўлі, на элеватары, цяпер — наводчык у танку.
4 39-гадовы Мікалай паўтара года ў войску. У мірным жыцьці працаваў на будоўлі, на элеватары, цяпер — наводчык у танку.
Вайскоўцы кажуць: «Інтэнсіўнасьць працы бывае розная, залежыць ад таго, як „нашы“ госьці ідуць. Калі пруць, дык працуем. Цяпер пераважна ідуць малымі групамі, бяз тэхнікі, але пастаянна — і ўдзень, і ўначы».
5 Вайскоўцы кажуць: «Інтэнсіўнасьць працы бывае розная, залежыць ад таго, як „нашы“ госьці ідуць. Калі пруць, дык працуем. Цяпер пераважна ідуць малымі групамі, бяз тэхнікі, але пастаянна — і ўдзень, і ўначы».
Цяпер танкі працуюць з закрытых пазыцый — вядуць артылерыйскі агонь па цэлях, якія не знаходзяцца ў непасрэднай бачнасьці з агнявой пазыцыі. Супрацьлегласьцю гэтаму зьяўляецца страляніна прамым навядзеньнем, калі стралок гарматы бачыць цэль, выбухі і сам асабіста карэктуе агонь.
6 Цяпер танкі працуюць з закрытых пазыцый — вядуць артылерыйскі агонь па цэлях, якія не знаходзяцца ў непасрэднай бачнасьці з агнявой пазыцыі. Супрацьлегласьцю гэтаму зьяўляецца страляніна прамым навядзеньнем, калі стралок гарматы бачыць цэль, выбухі і сам асабіста карэктуе агонь.
На пытаньне пра матывацыю на трэці год поўнамаштабнай вайны Расеі супраць Украіны вайскоўцы адказваюць: «Я ж ня буду сядзець дома, усе ж ня будзем сядзець, бо нехта мусіць ваяваць», — кажа Аляксандар.
7 На пытаньне пра матывацыю на трэці год поўнамаштабнай вайны Расеі супраць Украіны вайскоўцы адказваюць: «Я ж ня буду сядзець дома, усе ж ня будзем сядзець, бо нехта мусіць ваяваць», — кажа Аляксандар.
«Страшна выяжджаць на прамое навядзеньне. Каму заўгодна страшна, каб табе дзесьці ў бок РПГ (ручны супрацьтанкавы гранатамёт. — Рэд.) не заляцела ці яшчэ штосьці. Найбольш FPV (тып дрона. — Рэд.) спынялі танк, гэта найгорш, ратуе, што ёсьць „рэбкі“ (сродкі радыёэлектроннай барацьбы. — Рэд.), яны крыху глушаць FPV», — кажуць вайскоўцы аб працы на пазыцыі.
8 «Страшна выяжджаць на прамое навядзеньне. Каму заўгодна страшна, каб табе дзесьці ў бок РПГ (ручны супрацьтанкавы гранатамёт. — Рэд.) не заляцела ці яшчэ штосьці. Найбольш FPV (тып дрона. — Рэд.) спынялі танк, гэта найгорш, ратуе, што ёсьць „рэбкі“ (сродкі радыёэлектроннай барацьбы. — Рэд.), яны крыху глушаць FPV», — кажуць вайскоўцы аб працы на пазыцыі.
Танкісты расказваюць жарты, мы — анэкдоты, якія ўспомнілі, п’ём каву і грэемся пад восеньскім сонцам. І на імгненьне здаецца, што ты не на вайне, а на звычайным палігоне.
9 Танкісты расказваюць жарты, мы — анэкдоты, якія ўспомнілі, п’ём каву і грэемся пад восеньскім сонцам. І на імгненьне здаецца, што ты не на вайне, а на звычайным палігоне.
Але гукі «выхадаў» і «прыходаў» артылерыі, гукі дронаў і далягляд у вагні сьведчаць пра іншае...
10 Але гукі «выхадаў» і «прыходаў» артылерыі, гукі дронаў і далягляд у вагні сьведчаць пра іншае...
Пытаюся ў вайскоўцаў: «Ці зьмяніла вас вайна?». Аляксандар: «Зразумела, зьмяніла. Мне здаецца, усіх зьмяніла».
11 Пытаюся ў вайскоўцаў: «Ці зьмяніла вас вайна?». Аляксандар: «Зразумела, зьмяніла. Мне здаецца, усіх зьмяніла».
Антон: «Тут па-іншаму, чым дома. Мне было 13 гадоў, калі пачалася вайна (у 2014-м). Неўзабаве будзе два гады, як я служу. Тады, у 2014-м, я і ня думаў, што будзе вялікая вайна».
12 Антон: «Тут па-іншаму, чым дома. Мне было 13 гадоў, калі пачалася вайна (у 2014-м). Неўзабаве будзе два гады, як я служу. Тады, у 2014-м, я і ня думаў, што будзе вялікая вайна».
Мікалай: «Ня ведаю, мабыць, стаў менш перажываць, жывеш адным днём. Да вайны слова „вайна“ страх наганяла, а цяпер — неяк так сабе, проста разумееш, што трэба рабіць. Ня мы да іх прыйшлі, яны да нас».
13 Мікалай: «Ня ведаю, мабыць, стаў менш перажываць, жывеш адным днём. Да вайны слова „вайна“ страх наганяла, а цяпер — неяк так сабе, проста разумееш, што трэба рабіць. Ня мы да іх прыйшлі, яны да нас».
Аэравыведка выявіла перамяшчэньне расейскай пяхоты, вайскоўцы хутка наводзяцца па каардынатах.
14 Аэравыведка выявіла перамяшчэньне расейскай пяхоты, вайскоўцы хутка наводзяцца па каардынатах.
«Выстрал!» — гучна крычыць Антон.
15 «Выстрал!» — гучна крычыць Антон.
Усё зацягвае пылам. Нам трэба ехаць, хутка разьвітваемся з вайскоўцамі. Яны ж працягваюць несьці службу.
16 Усё зацягвае пылам. Нам трэба ехаць, хутка разьвітваемся з вайскоўцамі. Яны ж працягваюць несьці службу.
Танкісты 25-й Січаслаўскай брыгады, адпрацаваўшы чарговае заданьне, адразу ж будуць рыхтавацца да наступнага.
17 Танкісты 25-й Січаслаўскай брыгады, адпрацаваўшы чарговае заданьне, адразу ж будуць рыхтавацца да наступнага.
​
XS
SM
MD
LG