У Варонежскай вобласьці Расеі ў ноч на 5 кастрычніка бесьпілётнікі атакавалі «некалькі прадпрыемстваў, якія выпускаюць грамадзянскую прадукцыю», паведаміў губэрнатар рэгіёну Аляксандар Гусеў.
Ён не ўдакладніў, пра якія прадпрыемствы ідзе гаворка. Паводле Гусева, ёсьць адзін пацярпелы — мужчына атрымаў аскепкавае раненьне ў руку.
«На тэрыторыі аднаго паверха ў будынку таго ж прадпрыемства ўзьнікла ўзгараньне. На месцы здарэньня працуюць апэратыўныя службы», — гаворыцца ў паведамленьні губэрнатара.
Расейскія тэлеграм-каналы сьцьвярджаюць, што пад атаку дронаў трапіў сьпіртзавод у Новахоперскім раёне Варонескай вобласьці, але пацьверджання гэтай інфармацыі няма.
Мінабароны Расеі паведаміла, што за ноч сілы СПА зьбілі 10 украінскіх бесьпілётнікаў. Сем — над Белгарадзкай вобласьцю, два — над Курскай і яшчэ адзін над Варонежскай.
Форум