Ужо сёньня: 495 гадоў таму быў зацьверджаны першы Статут ВКЛ, 65 гадоў з дня нараджэньня Вітаўта Мартыненкі

Дата дня

29 верасьня 1529 году быў зацьверджаны першы Статут Вялікага Княства Літоўскага, першы збор законаў фэадальнага права, помнік старабеларускай юрыдычнай думкі і пісьменнасьці. У арыгінале меў назву «Права писаные даны панству Великому Князьству Литовскому, Рускому, Жомойтскому и иных через наяснейшого пана Жикгимонта з божее милости короля полского, великого князя литовского, руского, пруского, жомойтского, мазовецкого и иных».

Статут быў падрыхтованы на аснове кадыфікацыі і сыстэматызацыі норм мясцовага звычаёвага права, пастаноў судовых і дзяржаўных установаў, Судзебніка 1468 году і прывілеяў.

Дзень у гісторыі

1772 — першы падзел Рэчы Паспалітай зацьверджаны Соймам.

1872 — адкрылася Полацкая настаўніцкая сэмінарыя.

1938 — падпісаная Мюнхэнская дамова. Італія, Вялікая Брытанія і Францыя пагадзіліся, каб Нямеччына анэксавала Судэцкую вобласьць Чэхаславаччыны.

1939 — зьнішчаны абраз Будслаўскай Маці Божай (адрэстаўраваны ў 1991 годзе).

1941 — адбыўся масавы расстрэл нацыстамі цывільных жыхароў ва ўрочышчы Бабін Яр (цяпер у межах Кіева).

ГЛЯДЗІЦЕ ТАКСАМА:

Кіраўнік МЗС Ізраілю ўпершыню падчас вайны наведвае Кіеў, каб «падтрымаць Украіну ў цяжкую хвіліну»

У гэты дзень нарадзіліся

106 да н. э. — Гнэй Пампэй Вялікі, рымскі палкаводзец і неаднаразовы консул рэспублікі.

1547 — Мігель Сэрвантэс, гішпанскі пісьменьнік.

1823 — Уладзіслаў Сыракомля, паэт, краязнаўца, удзельнік нацыянальна-вызвольнага руху 1860-х, палітвязень.

1866 — Міхайла Грушэўскі, украінскі гісторык, старшыня Цэнтральнай Рады.

1880 — Сяргей Сахараў, беларускі фальклярыст, этнограф, пэдагог.

1891 — Аркадзь Смоліч, беларускі навуковец, палітычны і грамадзкі дзеяч, міністар сельскай гаспадаркі ўраду БНР.

1901 — Энрыка Фэрмі, выбітны італьянскі фізык, адзін з заснавальнікаў квантавай фізыкі.

1904 — Леў Голуб, беларускі кінарэжысэр, сцэнарыст, народны артыст Беларускай ССР.

1912 — Мікелянджэлё Антаніёні, італьянскі кінарэжысэр.

ГЛЯДЗІЦЕ ТАКСАМА:

У Гуэры ў Пінабілі

1923 — Арсень Лабовіч, беларускі тэатразнавец, крытык.

1943 — Лех Валэнса, заснавальнік польскага прафсаюзу «Салідарнасьць», а пазьней прэзыдэнт Польшчы, ляўрэат Нобэлеўскай прэміі міру.

ГЛЯДЗІЦЕ ТАКСАМА:

Экс-прэзыдэнт Польшчы Валэнса: я хацеў, каб Украіна і Беларусь разам уступілі ў Эўразьвяз і NATO

1946 — Іван Гайшун, матэматык, акадэмік Нацыянальнай акадэміі навук Беларусі

1958 — Адам Глобус, пісьменьнік і мастак.

1959 — Вітаўт Мартыненка, музычны крытык і журналіст, удзельнік нацыянальнага адраджэнскага руху 1980-х гадоў.

ГЛЯДЗІЦЕ ТАКСАМА:

Бэрсэрк, але не дэструктыўны. Хто такі Вітаўт Мартыненка